കോവിഡ് വ്യാപനത്തിൻ്റെ പശ്ചാത്തലത്തില് മുഖ്യമന്ത്രി പിണറായി വിജയന് വിളിച്ച ഉന്നതതല യോഗം ആരംഭിച്ചു.
കോവിഡ് വ്യാപനത്തിൻ്റെ പശ്ചാത്തലത്തില് മുഖ്യമന്ത്രി പിണറായി വിജയന് വിളിച്ച ഉന്നതതല യോഗം ആരംഭിച്ചു. വെര്ച്വല് മീറ്റിംഗായാണ് യോഗം നടക്കുന്നത്. യോഗത്തില് കളക്ടര്മാര്, പോലീസ് മേധാവികള്, ഡിഎംഒമാര് തുടങ്ങിയ ഉന്നത ഉദ്യോഗസ്ഥര് പങ്കെടുക്കുന്നുണ്ട്.
കോവിഡ് നിയന്ത്രണങ്ങള് കര്ശനമാക്കാന് യോഗത്തില് തീരുമാനം ഉണ്ടായേക്കും. കോവിഡ് മുക്തനായി ഇന്ന് ആശുപത്രിവിട്ട മുഖ്യമന്ത്രി വീട്ടില് ക്വാറന്റൈനിലാണ്. ഈ സാഹചര്യത്തിലാണ് വെര്ച്വല് യോഗം ചേരുന്നത്.
അതേസമയം സംസ്ഥാനത്ത് കൊവിഡ് പരിശോധന കൂട്ടാനും തീരുമാനിച്ചിട്ടുണ്ട്. വെള്ളി, ശനി ദിവസങ്ങളില് മാസ് പരിശോധന നടത്താനാണ് തീരുമാനിച്ചിരിക്കുന്നത്. സംസ്ഥാനത്ത് രണ്ടുദിവസം കൊണ്ട് രണ്ടരലക്ഷം പേരില് പരിശോധന നടത്താനാണ് സര്ക്കാര് ഉദ്ദേശിക്കുന്നത്. ഇതില് പ്രധാനമായും തിരഞ്ഞെടുപ്പുമായി ബന്ധപ്പെട്ട് പ്രവര്ത്തിച്ചവരെ ആകും കൂടുതലായി പരിശോധിക്കുക.
Photo Courtesy : Google/ images are subject to copyright