രാജ്യത്തെ ഓക്സിജന് ക്ഷാമം; ജര്മനിയില് നിന്നും ഓക്സിജന് ഉല്പാദന പ്ലാന്റുകള് ഇറക്കുമതി ചെയ്യാന് തീരുമാനമായി
രാജ്യത്തെ ഓക്സിജന് ക്ഷാമം പരിഹരിക്കുന്നതിനായി ജര്മനിയില് നിന്നും ഓക്സിജന് ഉല്പാദന പ്ലാന്റുകള് ഇറക്കുമതി ചെയ്യാന് തീരുമാനമായി. 23 ഓക്സിജന് ഉല്പാദന പ്ലാന്റുകള് ഒരാഴ്ചയ്ക്കുള്ളില് വിമാന മാര്ഗം ഇറക്കുമതി ചെയ്യാനാണ് പ്രതിരോധ മന്ത്രാലയം തീരുമാനിച്ചിരിക്കുന്നത്.
മിനിട്ടില് 40 ലിറ്റര് ഓക്സിജനും മണിക്കൂറില് 2,400 ലിറ്ററും ഉല്പാദിപ്പിക്കാന് സാധിക്കുന്ന പ്ലാന്റുകളാണ് എത്തിക്കുന്നതെന്ന് അധികൃതര് വ്യക്തമാക്കി. കോവിഡ് രോഗികളെ ചികിത്സിക്കുന്ന
സായുധ സേനാ മെഡിക്കല് സര്വീസസ് (AFMS) ആശുപത്രികളില് പ്ലാന്റുകള് വിന്യസിക്കുമെന്ന് പ്രതിരോധ മന്ത്രാലയ വക്താവ് അറിയിച്ചു. ഇനിയും കൂടുതല് ഓക്സിജന് ഉല്പാദന പ്ലാന്റുകള് രാജ്യത്തേക്ക് ഇറക്കുമതി ചെയ്തേക്കുമെന്നും അദ്ദേഹം വ്യക്തമാക്കി.
രാജ്യത്തിന്റെ വിവിധ ഭാഗങ്ങളിലുള്ള ഉല്പാദന ശാലകളില്നിന്ന് ഡല്ഹി, യുപി, മഹാരാഷ്ട്ര, ആന്ധ്രപ്രദേശ് സംസ്ഥാനങ്ങളിലേക്ക് മെഡിക്കല് ഓക്സിജന് വേഗത്തില് എത്തിക്കാന് റെയില്വേ ഓക്സിജന് എക്സ്പ്രസുകള് ഓടിക്കും. ഓരോ ഓക്സിജന് എക്സ്പ്രസിലും 16 ടണ് ഉണ്ടാവുമെന്ന് റെയില്വേ അറിയിച്ചു.
Photo Courtesy : Google/ images are subject to copyright