ബ്രണ്ണൻ കോളേജിൽ തന്നെ അർദ്ധനഗ്നനായി നടത്തിയെന്ന് പിണറായി തെളിയിച്ചാൽ രാഷ്ട്രീയം നിർത്തുമെന്ന് കെ.പി.സി.സി. അധ്യക്ഷൻ കെ. സുധാകരൻ.

എന്നെ അർധനഗ്നനായി കോളേജിന് ചുറ്റും നടത്തിച്ചുവെന്നാണ് പറയുന്നത്. എന്റെ കൂടെ പഠിച്ച ആയിരക്കണക്കിന് ആളുകൾ ഇപ്പോൾ ജീവിച്ചിരിപ്പുണ്ട്. അധ്യാപകരുണ്ട്. ആരോടെങ്കിലും ചോദിച്ച് ഈ ആരോപണം ശരിയാണെന്ന് പറഞ്ഞാൽ ഞാൻ എല്ലാ പണിയും നിർത്തി രാഷ്ട്രീയത്തിൽനിന്ന് മാറി നിൽക്കാം. ഇല്ലെങ്കിൽ പിണറായി രാഷ്ട്രീയത്തിൽനിന്ന് മാറുമോ? പിണറായി വിജയൻ ബ്രണ്ണൻ കോളേജിൽ വന്നപ്പോൾ സംഘർഷമുണ്ടായി എന്നത് സത്യമാണ്. അഭിമുഖത്തിൽ വന്ന ആ യാഥാർഥ്യവും ശരിയാണ്. പക്ഷേ, ഞാൻ രഹസ്യമായി പറഞ്ഞ കാര്യം പരസ്യ പ്രസിദ്ധീകരണം നടത്തിയത് ശരിയല്ല. അത് ഞാൻ ആഗ്രഹിക്കാത്തതാണ്. അതിൽ പിടിച്ച് എനിക്കെതിരെ ഉയർന്ന ആരോപണങ്ങളെ ഞാൻ നിഷേധിക്കുന്നു.” സുധാകരൻ പറഞ്ഞു.

Photo Courtesy : Google/ images are subject to copyright