സംസ്ഥാനത്ത് പൊതുസ്ഥലങ്ങളിലും തൊഴിലിടങ്ങളിലും വീണ്ടും മാസ്ക് നിര്ബന്ധമാക്കി സര്ക്കാര് ഉത്തരവിറക്കി
സംസ്ഥാനത്ത് പൊതുസ്ഥലങ്ങളിലും തൊഴിലിടങ്ങളിലും വീണ്ടും മാസ്ക് നിര്ബന്ധമാക്കി സര്ക്കാര് ഉത്തരവിറക്കി. മാസ്ക് ധരിച്ചില്ലെങ്കില് പിഴ നല്കേണ്ടി വരും. രാജ്യവ്യാപകമായി കോവിഡ് കേസുകള് വര്ദ്ധിക്കുന്ന സാഹചര്യത്തിലാണ് സംസ്ഥാനത്ത് മാസ്ക് ധരിക്കുന്നത് നിര്ബന്ധമാക്കി സര്ക്കാര് ഉത്തരവിറക്കിയത്. പൊതു സ്ഥലങ്ങളിലും കൂടിച്ചേരലുകള് നടക്കുന്ന സ്ഥലങ്ങളിലും ജോലി സ്ഥലങ്ങളിലും യാത്രചെയ്യുമ്പോഴും നിര്ബന്ധമായും മാസ്ക് ധരിക്കണം. മാസ്ക് ധരിക്കാത്തവരില് നിന്ന് പിഴ ഈടാക്കാനും നിര്ദ്ദേശമുണ്ട്. അതേസമയം, എത്ര രൂപയാണ് പിഴയായി ഈടാക്കുക എന്നതു സംബന്ധിച്ച് വ്യക്തതയില്ല.
ദുരന്തനിവാരണ നിയമപ്രകാരമാണ് ഉത്തരവ്. കോവിഡ് കണക്കുകള് പ്രസിദ്ധീകരിക്കുന്നത് നിര്ത്തിയെങ്കിലും പ്രതിദിന കേസുകളില് കേരളം രാജ്യത്ത് ഇപ്പോഴും മുന്നില് തന്നെയുണ്ടെന്നാണ് കണക്കുകള് വ്യക്തമാക്കുന്നത്. പൊതുസ്ഥലങ്ങള്, ചടങ്ങുകള്, തൊഴിലടങ്ങള്, വാഹന യാത്രകളിലും മാസ്ക് ധരിക്കല് നിര്ബന്ധമാണെന്ന് ഉത്തരവില് പറയുന്നു.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona