നടിയെ ആക്രമിച്ച കേസ്:അതിജീവിതയുടെ ഹര്ജ്ജി പരിഗണിക്കുന്നതില് നിന്ന് ജസ്റ്റിസ് കൗസര് എടപ്പഗത്ത് പിന്മാറി
കോടതി മാറ്റം ചോദ്യം ചെയ്ത് അതിജീവിത നല്കിയ ഹര്ജ്ജി പരിഗണിക്കുന്നതില് നിന്ന് കേരള ഹൈക്കോടതി ജസ്റ്റിസ് കൗസര് എടപ്പഗത്ത് പിന്മാറി. വിചാരണ സിബിഐ കോടതിയില് നിന്ന് ജില്ലാ സെഷന്സ് കോടതിയിലേക്ക് മാറ്റിയത് ചോദ്യം ചെയ്താണ് അതിജീവിത കോടതിയെ സമീപിച്ചത്. ജഡ്ജി ഹണി എം വര്ഗീസ് വിചാരണ നടത്തരുത് എന്നായിരുന്നു ആവശ്യം. നേരത്തെ മെമ്മറി കാര്ഡ് കേസിലും ജസ്റ്റിസ് കൗസര് എടപ്പഗത്ത് പിന്മാറിയിരുന്നു. ഇതോടെ അതിജീവിതയുടെ ഹര്ജ്ജി മറ്റൊരു കോടതി പരിഗണിക്കും. സെഷന്സ് ജഡ്ജ് ഹണി എം വര്ഗീസ് വിചാരണ നടത്തിയാല് നീതി ലഭിക്കുമെന്ന പ്രതീക്ഷയില്ലെന്നും ജഡ്ജിയുടെ ഭര്ത്താവും കേസിലെ എട്ടാം പ്രതിയായ ദിലീപും തമ്മില് ബന്ധമുണ്ടെന്നും ഹര്ജ്ജിയില് വ്യക്തമാക്കുന്നു. ഹൈക്കോടതി നേരത്തെ ഒരു ഉത്തരവിലൂടെയാണ് സെഷന്സ് കോടതിയില് നിന്ന് കേസ് പ്രത്യക കോടതിയിലേക്ക് മാറ്റിയത്. എന്നാല് ഈ കേസ് മറ്റൊരു അഡ്മിനിസ്ട്രേറ്റീവ് ഉത്തരവിലൂടെ വീണ്ടും സെഷന്സ് കോടതിയിലേക്ക് മറ്റുകയാണ് ചെയ്തത്. ഇത് നിയമപരമല്ലെന്നും അതിജീവതയുടെ ഹര്ജ്ജിയിലുണ്ട്. കേസില് തീര്പ്പുണ്ടാക്കുന്നത് വരെ സെഷന്സ് കോടതിയിലെ വിചാരണ സ്റ്റേ ചെയ്യണമെന്നും ഹര്ജിയില് ആവശ്യപ്പെട്ടിരുന്നു.കോടതിയില് നിന്ന് നടിയുടെ ദൃശ്യങ്ങള് ചോര്ന്ന സംഭവത്തില് അന്വേഷണം ആവശ്യപ്പെട്ട് ക്രൈം ബ്രാഞ്ച് നല്കിയ ഹര്ജ്ജി പരിഗണിക്കുന്നതില് നിന്നാണ് നേരത്തെ ജസ്റ്റിസ് കൗസര് എടപ്പഗത്ത് പിന്മാറിയത്.കോടതിയുടെ കസ്റ്റഡിയിലിരിക്കെ നടിയെ ആക്രമിച്ച പകര്ത്തിയ ദൃശ്യങ്ങള് സൂക്ഷിച്ച മെമ്മറി കാര്ഡിന്റെ ഹാഷ് വാല്യു രണ്ട് വട്ടം മാറിയെന്നും ഇതില് വിചാരണ കോടതി തുടര് നടപടി സ്വീകരിച്ചില്ലെന്നുമായിരുന്നു ഈ കേസിലെ ക്രൈം ബ്രാഞ്ച് ജഡ്ജിയ്ക്കെതിരെയും ഹര്ജ്ജിയില് ആരോപണമുണ്ടായിരുന്നു.നേരത്തെ അതിജീവിത നല്കിയ സമാന ഹര്ജ്ജി പരിഗണിക്കുന്നതില് നിന്നും കൗസര് എടപ്പഗത്ത് പിന്മാറിയിരുന്നു. അതിജീവിതയുടെ ആവശ്യപ്രകാരം മറ്റൊരു ബഞ്ചായിരുന്നു പിന്നീട് കേസ് പരിഗണിച്ചത്.
Photo Courtesy : Google/ images are subject to copyright
കോവിഡ് മഹാമാരിയുടെ നാലാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona