വര്ക്കലയില് പെണ്കുട്ടിയെ ആണ് സുഹൃത്ത് കഴുത്തറുത്ത് കൊന്നു
വടശ്ശേരി സ്വദേശിനി സംഗീത (17) ആണ് മരിച്ചത്. രണ്ടാം വര്ഷ ബിരുദ വിദ്യാര്ത്ഥിനിയാണ് സംഗീത. ഇന്നലെ രാത്രിയോടെയായിരുന്നു സംഭവം. ആണ്സുഹൃത്ത് പള്ളിക്കല് സ്വദേശി ഗോപുവിനെ പോലീസ് അറസ്റ്റ് ചെയ്തു.
സംഭവത്തെക്കുറിച്ച് പോലീസ് പറയുന്നത് ഇങ്ങനെ,
‘കഴിഞ്ഞ ഏതാനും നാളുകളായി പെണ്കുട്ടിയുമായി അടുപ്പത്തിലായിരുന്നു ഗോപു. ഇതിനിടെ പെണ്കുട്ടിയുടെ വിശ്വാസ്യത പരിശോധിക്കുന്നതിനായി അഖിലെന്ന പേരില് മറ്റൊരു ഫോണ് നമ്ബറില് നിന്നും സംഗീതയോട് സംസാരിക്കുകയും അടുപ്പം സ്ഥാപിക്കുകയും ചെയ്തു. ഇതിനിടെ സംഗീതയെ നേരിട്ട് കാണണെന്ന് അഖിലെന്ന പേരില് ഗോപു ആവശ്യപ്പെട്ടു. വീടിനുപുറത്ത് എത്തിയിട്ടുണ്ടെന്ന് അറിയിച്ചത് പ്രകാരം പെണ്കുട്ടി വീടിന് പുറത്തേക്ക് ഇറങ്ങുകയായിരുന്നു.
ഹെല്മെറ്റ് ധരിച്ചായിരുന്നു ഗോപു എത്തിയത്. എന്നാല് അഖിലെന്ന പേരില് എത്തിയിരിക്കുന്നത് ഗോപുവാണെന്ന് പെണ്കുട്ടി തിരിച്ചറിഞ്ഞതോടെ കൈയില് കരുതിയിരുന്ന കത്തി ഉപയോഗിച്ച് ഗോപു സംഗീതയുടെ കഴുത്തില് ആഞ്ഞ് വെട്ടുകയായിരുന്നു. ബഹളം കേട്ട് എത്തിയ അയല്ക്കാരും വീട്ടുകാരും ചേര്ന്നാണ് പെണ്കുട്ടിയെ ആശുപത്രിയില് എത്തിച്ചത്. എന്നാല് പെണ്കുട്ടി മരിക്കുകയായിരുന്നു”.
Photo Courtesy : Google/ images are subject to copyright