വേനല്‍ക്കാല ശിശുപരിചരണം
വേനല്‍ക്കാലത്ത് ശിശുപരിപാലനം വളരെ പ്രധാനമാണ്. കുട്ടികളാണ് ചൂടുമായി ബന്ധപ്പെട്ട രോഗങ്ങള്‍ക്ക് കൂടുതല്‍ ഇരയാകുന്നത്. വേനല്‍ക്കാലത്ത് കുഞ്ഞുങ്ങളെ സംരക്ഷിക്കുന്നതിന് എന്തൊക്കെ കാര്യങ്ങള്‍ ചെയ്യാമെന്ന് നോക്കാം.
ഉചിതമായി വസ്ത്രം ധരിപ്പിക്കുക: കുഞ്ഞിനെ അയഞ്ഞ കോട്ടണ്‍ വസ്ത്രങ്ങള്‍ ധരിപ്പിക്കുക. ചൂട് നിലനിര്‍ത്തുന്ന ഇറുകിയ സിന്തറ്റിക്ക് വസ്ത്രങ്ങള്‍ ധരിപ്പിക്കുന്നത് ഒഴിവാക്കുക.
മുറിയിലെ താപനില നിയന്ത്രിക്കുക: ആവശ്യമെങ്കില്‍ ഒരു ഫാന്‍ അല്ലെങ്കില്‍ എയര്‍കണ്ടീഷണര്‍ ഉപയോഗിക്കുക. പകലിന്റെ ഏറ്റവും ചൂടേറിയ സമയത്ത് കുഞ്ഞിനെ പുറത്തേക്ക് കൊണ്ടുപോകുന്നത് ഒഴിവാക്കുക. നിങ്ങള്‍ക്ക് പുറത്ത് പോകേണ്ടി വന്നാല്‍ ചൂടേല്‍ക്കാതെ അവരെ സുരക്ഷിതരായി സംരക്ഷിക്കുക.
ഇടയ്ക്കിടെ ജലാംശം നല്‍കുക: ശിശുക്കള്‍ക്ക് പെട്ടെന്ന് നിര്‍ജ്ജലീകരണം സംഭവിക്കാം. അതിനാല്‍ അവര്‍ക്ക് മുലപ്പാലോ ഫോര്‍മുലയോ ഇടയ്ക്കിടെ നല്‍കുക. കുഞ്ഞിന് ആറ് മാസമോ അതില്‍ കൂടുതലോ പ്രായമുണ്ടെങ്കില്‍ അവര്‍ക്ക് ചെറിയ അളവില്‍ വെള്ളം നല്‍കാം.
ചര്‍മ്മസംരക്ഷണം: സൂര്യ രശ്മികളില്‍ നിന്ന് കുഞ്ഞിന്റെ അതിലോലമായ ചര്‍മ്മത്തെ സംരക്ഷിക്കാന്‍ ഉയര്‍ന്ന SPF ഉള്ള സണ്‍സ്‌ക്രീന്‍ ഉപയോഗിക്കാം. അവരെ പുറത്തേക്ക് കൊണ്ടുപോകുമ്പോള്‍ കൈകളും കാലുകളും മറയ്ക്കുന്ന തൊപ്പിയും ഭാരം കുറഞ്ഞ വസ്ത്രവും ധരിപ്പിക്കുക.
ചൂട് മൂലം ക്ഷീണമുണ്ടായാല്‍ : കുഞ്ഞിന് ചൂട് ക്ഷീണം അനുഭവപ്പെടുന്നതായി നിങ്ങള്‍ സംശയിക്കുന്നുവെങ്കില്‍ അവരെ ചൂട് കുറവുള്ള സ്ഥലത്തേക്ക് മാറ്റുക. അവര്‍ക്ക് കുടിയ്ക്കുവാന്‍ പാലോ വെള്ളമോ നല്‍കുക. ആവശ്യമെങ്കില്‍ വൈദ്യസഹായം തേടുക.
Photo Courtesy : Google/ images are subject to copyright
