സംസ്ഥാനത്ത് മഴ ശക്തമാകുന്നു. ഇതേ തുടർന്ന് സംസ്ഥാനത്ത് പുറപ്പെടുവിച്ച മഴ മുന്നറിയിപ്പിൽ മാറ്റം വരുത്തി. മഴ കനത്ത സാഹചര്യത്തിൽ രണ്ട് ജില്ലകളിലെ മുന്നറിയിപ്പിലാണ് അധികൃതർ മാറ്റം വരുത്തിയത്. കോഴിക്കോട്, വയനാട് എന്നീ ജില്ലകളിലാണ് മുന്നറിയിപ്പാണ് മാറ്റിയത്. നേരത്തെ ഇരു ജില്ലകളിലും യെല്ലോ അലർട്ടായിരുന്നു. എന്നാൽ മഴ ശക്തിപ്രാപിച്ച സാഹചര്യത്തിൽ യെല്ലോ അലർട്ട് ഓറഞ്ച് അലർട്ട് ആക്കുകയായിരുന്നു. നിലവിൽ സംസ്ഥാനത്തെ എല്ലാ ജില്ലകളിലും മഴ മുന്നറിയിപ്പുണ്ട്. ഇന്ന് കനത്ത മഴ ലഭിക്കുന്ന രണ്ട് ജില്ലകളിൽ റെഡ് അലർട്ടാണ്. പത്തനംതിട്ട, ഇടുക്കി എന്നീ ജില്ലകളിലാണ് റെഡ് അലർട്ട്. തിരുവനന്തപുരം മുതൽ വയനാട് വരെ ഓറഞ്ച് അലർട്ട് ഏർപ്പെടുത്തിയിട്ടുണ്ട്. കാസർകോട് കണ്ണൂർ എന്നീ ജില്ലകളിൽ യെല്ലോ അലർട്ടാണ്. മഴയ്ക്ക് പുറമേ ശക്തമായ കാറ്റിനും ഇടിമിന്നലിനും സാദ്ധ്യതയുണ്ട്. അതിനാൽ ജാഗ്രത പാലിക്കണം എന്ന് അധികൃതർ അറിയിച്ചു. തെക്കൻ കേരളത്തിന് മുകളിലായി ചക്രവാത ചുഴി നിലനിൽക്കുന്നുണ്ട്. ഇതിന് പുറമേ ബംഗാൾ ഉൾക്കടലിൽ ന്യൂനമർദ്ദവും സ്ഥിതിചെയ്യുന്നു. ഇത് രണ്ടുമാണ് നിലവിൽ സംസ്ഥാനത്ത് മഴയ്ക്ക് കാരണം ആകുന്നത്. ന്യൂനമർദ്ദം ശക്തിപ്രാപിച്ച് അതി തീവ്ര ന്യൂനമർദ്ദം ആകാനാണ് സാദ്ധ്യത. അങ്ങിനെയെങ്കിൽ കേരളത്തിൽ മഴ കൂടുതൽ ശക്തമാകുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. അതേസമയം കാലാവസ്ഥ മാറുന്ന സാഹചര്യത്തിൽ മത്സ്യത്തൊഴിലാളികൾക്കും ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്. ശക്തമായ കാറ്റും മോശം കാലാവസ്ഥയും പ്രതീക്ഷിക്കുന്നതിനാൽ ഇനിയൊരു അറിയിപ്പുണ്ടാകുന്നതുവരെ കടലിൽ പോകാൻ പാടില്ലെന്നും അധികൃതർ അറിയിച്ചു.

Photo Courtesy: Google/ images are subject to copyright