കൊറിയൻ കമ്പനിയായ കിയയുടെ ഇന്ത്യയിലെ വിജയത്തിന് കാരണം അവർ എല്ലായ്പോഴും ഇന്ത്യൻ അഭിരുചികൾ മനസ്സിലാക്കി സവിശേഷതകളോടെ കാറുകൾ വിപണിയിലെത്തിക്കുന്നുവെന്നതാണ്. സെൽടോസ് കിയയുടെ ഒരു നല്ല ചിന്താഗതിയായിരുന്നു. സോണറ്റ് കുറഞ്ഞ വില പോയിന്റിൽ ഒരു മാസ്റ്റർസ്ട്രോക്ക് ആയിരുന്നു. കിയയുടെ വാഹനനിരയിൽ സോണറ്റിനും സെൽറ്റോസിനും ഇടയിലുള്ള മോഡലായിട്ടാണ് സിറോസിനെ കിയ അവതരിപ്പിക്കുന്നത്.
കരുത്തുറ്റ ഫ്രണ്ട് ബമ്പർ , ലംബമായ LED ഡേടൈം റണ്ണിങ് ലൈറ്റുകൾ എന്നിവയുണ്ട്. കുത്തനെയുള്ള എൽ ഇ ഡി ഹെഡ്ലാംപുകളും ഡി ആർ എല്ലുകളും എടുത്തുകാണിക്കുന്നു. 17 ഇഞ്ച് ഡ്യുവൽ -ടോൺ അലോയ് വീലുകൾ, ഫ്ളഷ് ഡോർ ഹാൻഡിലുകൾ , ഫ്ലാറ്റ് റൂഫ്ലൈൻ എന്നിവയെല്ലാം വശങ്ങളെ ആകർഷകമാക്കുന്നു. ചതുരാകൃതിയിലുള്ള വീൽ ആർക്കുകളും നീണ്ട റൂഫ് റെയിലുകളും ബ്ലാക്ഡ് ഔട്ട് സി പില്ലറുകളുമെല്ലാമാണ് മറ്റു സവിശേഷതകൾ.

ക്യാബിൻ വളരെ അതിശയകരമായ സജ്ജീകരിച്ചിരിക്കുന്നു. മെറ്റീരിയൽ ക്വാളിറ്റിയെക്കാളും ഡിസൈനിംഗ് നന്നായിട്ടുണ്ട്. ഡ്യൂവൽ ടോണിലുള്ള ഇന്റീരിയറിന്റെ ഭംഗി കൂട്ടാൻ 12.3 ഇഞ്ചിന്റെ ഇരട്ട സ്ക്രീനുകളും എസി കണ്ട്രോളുകളും ഒരുക്കിയിട്ടുണ്ട്. സെഗ്മെന്റിൽ ആദ്യമായി പിൻ നിരയിൽ വെന്റിലേറ്റഡ് സൗകര്യത്തോടെയുള്ള റിക്ലൈനിംഗ് സീറ്റുകളും തയ്യാറാക്കിയുണ്ട്. യാത്രക്കാരന്റെ ആവശ്യത്തിനനുസരിച്ച് ചരിക്കാനും നീക്കാനും കഴിയുന്ന സീറ്റാണ് . വലിയ പനോരമിക് സൺറൂഫ്, 360 ഡിഗ്രി ക്യാമറ, ഫ്രണ്ട് പാർക്കിങ് സെൻസറുൾ, വെന്റിലേറ്റഡ് സീറ്റുകൾ, ഇലക്ട്രിക്കലി അഡ്ജസ്റ്റബിൾ ഡ്രൈവിംഗ് സീറ്റ്, ഇലക്ട്രോണിക് പാർക്കിങ് ബ്രേക്ക്, മൾട്ടി സോൺ ക്ലൈമറ്റ് കണ്ട്രോൾ എന്നീ സവിശേഷതകളും ഒരുക്കിയിട്ടുണ്ട്. വാഹനത്തിലെ വിവിധ കാര്യങ്ങൾ നിയന്ത്രിക്കാൻ കഴിയുന്ന സ്വിച്ചുകളോടെയുള്ള ടു സ്പോക്ക് സ്റ്റിയറിംഗ് മികവ് പുലർത്തുന്നു. ലെവൽ ടു അഡാസ് ഉൾപ്പെടെയുള്ള നിരവധി സുരക്ഷാ സംവിധാനങ്ങളും വാഹനത്തിലുണ്ട്. വാഹനത്തിന്റെ ബോഡിയോട് ചേർന്നുനിൽക്കുന്ന ഫ്ലഷ് ഡോർ ഹാൻഡിലാണ് മറ്റൊരു പ്രത്യേകത. ഈ ഫീച്ചറുള്ള ഏറ്റവും വിലകുറഞ്ഞ വാഹനം എന്നുള്ളതും ശ്രദ്ധേയമാണ്.
കെ വൺ പ്ലാറ്റ്ഫോമിലാണ് സെൽടോസ് നിർമ്മിച്ചിരിക്കുന്നത്. 2550 എംഎം ആണ് വീൽബേസ്. ഇത് ഉള്ളിൽ കൂടുതൽ വിശാലത നൽകുന്നു ആറ് പാർക്കിങ് സെൻസറുകളും വാഹനത്തെ അടുത്തതലത്തിലേക്ക് എത്തിക്കുന്നു. മുന്നിലും പിന്നിലുമുള്ള സെൻസറുകൾക്ക് പുറമെ മുന്നിലെ വീൽ ആർച്ചുകൾക്ക് താഴെയായിട്ടാണ് നാല് സെൻസറുകൾ ഒരുക്കിയിട്ടുള്ളത്. ഇത് പാർക്കിങ് കൂടുതൽ സുഖകരമാക്കും.

ഇതിന്റെ സ്റ്റൈലിംഗ് ധ്രുവീകൃത്യമാണ്. ഒരു എസ് യു വി സ്റ്റൈലിംഗിനോടൊപ്പം കുറച്ചു പരിഷ്കാരങ്ങൾ കൊടുത്തിട്ടുള്ളതിനാൽ അൽപ്പം വ്യത്യസ്തമാണ്. ഒരു വാനിന്റെ ലുക്ക് നൽകുന്നുണ്ട്. ലോവർ ഭാഗത്താണ് ഗ്രിൽ നൽകിയിരിക്കുന്നത്. ഹെഡ്ലൈറ്റുകൾ ബമ്പറിന്റെ കോർണറുകളിലാണ് കൊടുത്തിരിക്കുന്നത്. ഇതിൽ ചെറിയ അപകടസാധ്യതയില്ലാതില്ല. ബമ്പറിന്റെ മുകൾ പകുതിയിൽ ഒരു ഗ്രില്ലിന്റെ അഭാവം നല്ലവണ്ണം അനുഭവപ്പെടുന്നുണ്ട്. വശങ്ങളിൽ ബി പില്ലറിന്റെ രീതിയും വ്യത്യസ്തമാണ്. ലംബമായി അടുക്കിയിരിക്കുന്ന ഹെഡ്ലാംപുകളും എൽ ആകൃതിയിലുള്ള ടെയിൽ ലൈറ്റുമെല്ലാം വാഹനത്തിന് വ്യത്യസ്തത നൽകുന്നു. മൊത്തത്തിൽ ഡിസൈൻ ഒരു മിനിവാൻ രീതിയിലാണ്.

ഡോർ പോക്കറ്റുകൾ എല്ലാം വലുതാണ്. ആവശ്യത്തിനുള്ള സ്റ്റോറേജ് സ്പേസ് ഉണ്ട്. നല്ല ലെഗ്റൂം ഉണ്ട്. എയർ പ്യൂരിഫയറിന്റെ ഡിസ്പ്ലൈ ഉണ്ട്. മറ്റൊന്നിലും കാണാനാകാത്ത പ്രത്യേകതയാണിത്. 970 എംഎം ആണ് ഏറ്റവും ചെറിയ ലെഗ് റൂം . അത് 1045 എംഎം വരെ സീറ്റുകൾ സ്ലൈഡ് ചെയ്ത് ലെഗ് റൂം അറേഞ്ച് ചെയ്യാം. അതുപോലെതന്നെ ബൂട്ട് സ്പേസും ഫ്ലെക്സിബിളാണ്. മിനിമം 395 ലിറ്റേഴ്സ് ബൂട്ട് സ്പേസ് ലഭിക്കുന്നുണ്ട്. ബൈക്കിലെ സീറ്റ് മുന്നിലേക്ക് നീക്കിയാൽ അത് 465 ലിറ്റേഴ്സ് വരെ ബൂട്ട് സ്പേസ് ലഭിക്കും. ഇത് വളരെ സൗകര്യപ്രദമാണ്.

രണ്ട് എഞ്ചിൻ ഓപ്ഷനുകളിലാണ് കിയ സിറോസ് എത്തുന്നത്. 1.0 ലിറ്റർ ടർബോ-പെട്രോൾ എഞ്ചിൻ 118 bhp പവറും 172 Nm റ്റോർക്കും ഉത്പാദിപ്പിക്കുന്നു. 1.5 ലിറ്റർ ഡീസൽ 114 bhp പവറും 250 Nm ടോർക്കും നൽകുന്നു. ഇത് 6-സ്പീഡ് മാനുവൽ ട്രാൻസ്മിഷനാണ്, എന്നാൽ ഇത് 6-സ്പീഡ് ഓട്ടോമാറ്റിക്, 7-സ്പീഡ് DCT തുടങ്ങിയ ഓപ്ഷനുകളുമായും വരുന്നു. ലിറ്ററിന് 17.65 കിലോമീറ്റർ മുതൽ 20.75 കിലോമീറ്റർ വരെ വാഹനത്തിന് മൈലേജും ലഭിക്കും. 6 സ്പീഡ് മാനുവൽ, 6 സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർ ബോക്സുകൾ ഇതുമായി ഉൾച്ചേർത്തിട്ടുണ്ട്. നാല് വേരിയന്റുകളിൽ വാഹനം ലഭ്യമാണ്.

കിയ സിറോസിൽ ആകർഷകമായ സ്റ്റൈലിംഗ്, മികച്ച ഇന്റീരിയറുകളും ഉപകരണങ്ങളുടെ ദൈർഘ്യമേറിയ പട്ടികയും ഉപയോഗിച്ചിരിക്കുന്നു . 8.99 ലക്ഷം രൂപയിൽ നിന്ന് ആരംഭിക്കുന്ന വിലയുമായി Ex.show റൂം, നിങ്ങൾ ജനറിക് ക്രോസ്ഓവറുകളുടെ കൂട്ടത്തിൽ നിന്ന് വേറിട്ടുനിൽക്കണമെങ്കിൽ തീർച്ചയായും ഒരുവേറിട്ട രൂപത്തിന് അർഹമാണ്.

Photo Courtesy: Google/ images are subject to copyright