ഒരു ദക്ഷിണേന്ത്യൻ വിഭവമാണിത്. ഇത് പുറത്ത് മൊരിഞ്ഞതും ഉള്ളിൽ മൃദുവായിട്ടുള്ളതുമാണ്, സാധാരണയായി തേങ്ങാ ചട്ണി അല്ലെങ്കിൽ തക്കാളി സോസിനൊപ്പം വൈകുന്നേരത്തെ ചായയുടെ കൂടെ കഴിക്കുന്നു. ഇതിനെ മംഗലാപുരം ബജ്ജി, മംഗലാപുരം ബോണ്ട എന്നും വിളിക്കുന്നു. ഇത് എങ്ങനെയാണ് തയ്യാറാക്കുന്നതെന്ന് നോക്കിയാലോ?

ചേരുവകള്‍

• മൈദ – 1 കപ്പ്
• തൈര് – അരക്കപ്പ്
• ഇഞ്ചി – ഒരു ചെറിയ കഷ്ണം
• കറിവേപ്പില – ഒരു തണ്ട്
• പച്ചമുളക് – മൂന്നെണ്ണം
• ബേക്കിങ് സോഡ – കാൽ ടീസ്പൂൺ
• ഉപ്പ് – ആവശ്യത്തിന്
• എണ്ണ – ആവശ്യത്തിന്

തയ്യാറാക്കുന്ന വിധം
ഒരു പാത്രത്തിൽ എടുത്തുവച്ചിരിക്കുന്ന മൈദാമാവിലേക്ക് ഇഞ്ചി, പച്ചമുളക്, കറിവേപ്പില എന്നിവ ചെറുതായി അരിഞ്ഞതും തൈരും ബേക്കിങ് സോഡയും ആവശ്യത്തിന് ഉപ്പും വെള്ളവും ചേർത്ത് കുഴച്ച് ബോളുകളാക്കി എണ്ണയിൽ പൊരിച്ചുകോരുക. രുചികരമായ ഗോലി ബാജെ തയ്യാർ.

Photo Courtesy: Google/ images are subject to copyright