ആധുനിക യുദ്ധരംഗങ്ങളിൽ വേഗത്തിൽ വളരുന്ന ഡ്രോൺ ആക്രമണങ്ങൾക്കും മറ്റ് വ്യോമ ഭീഷണികൾക്കും മറുപടി നൽകുന്നതിനായി ഇന്ത്യ പുതിയ തലമുറ ലേസർ ആയുധങ്ങൾ വികസിപ്പിക്കുന്നു. Defence Research and Development Organisation (DRDO) വികസിപ്പിക്കുന്ന ഡയറക്റ്റഡ് എനർജി വെപ്പൺ (DEW) സംവിധാനങ്ങളായ ദുർഗ-II (DURGA-II) യും  എകൈ-2 (എ)’ (Mk-II(A)) യും ഇന്ത്യയുടെ വ്യോമ പ്രതിരോധ ശേഷിയിൽ വലിയ മാറ്റം കൊണ്ടുവരുമെന്നാണ് പ്രതീക്ഷ.

Defence Research and Development Organisationയുടെ സെന്റർ ഫോർ ഹൈ എനർജി സിസ്റ്റംസ് ആൻഡ് സയൻസസ് (CHESS) ആണ് ഈ സംവിധാനങ്ങളുടെ വികസനം നടത്തുന്നത്. നിലവിൽ United States, Russia, China എന്നീ രാജ്യങ്ങൾക്കാണ് ഡയറക്ട് എനർജി ആയുധ സാങ്കേതികവിദ്യയിൽ മുന്നേറ്റം ഉണ്ടായിരുന്നത്. ഇപ്പോൾ ഈ പട്ടികയിലേക്ക് ഇന്ത്യയും പ്രവേശിച്ചിരിക്കുകയാണ്.

ഡ്രോൺ സ്വാർമുകൾ (Drone Swarms) ഉൾപ്പെടെയുള്ള നിരവധി ചെറിയ വ്യോമ ഭീഷണികളെ ഒരേസമയം കൃത്യമായി കണ്ടെത്തുകയും ലേസർ കിരണങ്ങൾ ഉപയോഗിച്ച് നിമിഷങ്ങൾക്കകം നിർവീര്യമാക്കുകയും ചെയ്യാനാകുന്ന സംവിധാനങ്ങളായാണ് ഈ പുതിയ ആയുധങ്ങൾ വികസിപ്പിക്കുന്നത്.

സാധാരണ മിസൈൽ പ്രതിരോധ സംവിധാനങ്ങളെ അപേക്ഷിച്ച് ലേസർ ആയുധങ്ങൾക്ക് കുറഞ്ഞ ചെലവും വേഗത്തിലുള്ള പ്രതികരണ ശേഷിയും ഉള്ളതാണ് പ്രധാന പ്രത്യേകത. ഇതിലൂടെ ഭാവിയിലെ യുദ്ധങ്ങളിൽ ഡ്രോണുകൾ, മിസൈലുകൾ, മറ്റ് വ്യോമ ലക്ഷ്യങ്ങൾ എന്നിവയെ നേരിടുന്നതിൽ ഇന്ത്യൻ സായുധസേനയ്ക്ക് കൂടുതൽ ശക്തി ലഭിക്കുമെന്നാണ് പ്രതീക്ഷ. ലേസർ രശ്മികൾ പ്രകാശവേഗതയിൽ സഞ്ചരിക്കുന്നതിനാൽ, മിസൈലുകളെ അപേക്ഷിച്ച് വളരെ വേഗത്തിൽ ലക്ഷ്യസ്ഥാനത്ത് എത്തും. 

ലക്ഷ്യം നിശ്ചയിച്ചു കഴിഞ്ഞാൽ നിമിഷങ്ങൾക്കുള്ളിൽ ഡ്രോണുകളെയോ മിസൈലുകളെയോ നശിപ്പിക്കാൻ സാധിക്കും. 100 കിലോവാട്ടിലധികം ശേഷിയുള്ള ഒരു ഹൈ-പവർ ലേസർ ആയുധമാണ് ദുർഗ-II’. ക്രൂയിസ് മിസൈലുകൾ, ഹെലികോപ്റ്ററുകൾ, വിമാനങ്ങളിലെ സെൻസറുകൾ എന്നിവയെ തകർക്കാൻ ഈ സംവിധാനത്തിന് ശേഷിയുണ്ട്.  

ലോകത്തിലെ പല രാജ്യങ്ങളും ഇതിനോടകം തന്നെ ഡയറക്റ്റഡ് എനർജി ആയുധങ്ങളിലേക്ക് കൂടുതൽ ശ്രദ്ധ കേന്ദ്രീകരിക്കുന്ന സാഹചര്യത്തിൽ, ഇന്ത്യയും ഈ രംഗത്ത് സാങ്കേതിക മുന്നേറ്റം ലക്ഷ്യമിട്ടാണ് പുതിയ പദ്ധതികൾ മുന്നോട്ടുകൊണ്ടുപോകുന്നത്. ഭാവിയിൽ ഇന്ത്യയുടെ സുരക്ഷാ സംവിധാനങ്ങളിൽ മിസൈലുകൾക്കൊപ്പം ഈ ലേസർ ആയുധങ്ങളും ഒരു പ്രധാന പങ്കുവഹിക്കും. കൂടാതെ ഭാവിയിൽ യുദ്ധക്കപ്പലുകളിലും വിമാനങ്ങളിലും ഇത്തരം ലേസർ ആയുധങ്ങൾ ഘടിപ്പിക്കാനാണ് ഡി.ആർ.ഡി.ഒ. ലക്ഷ്യമിടുന്നത്. 

Photo Courtesy: Google/ images are subject to copyright