ഇന്ത്യൻ സംഗീത ലോകത്തെ വിസ്മയമായിരുന്ന ഇതിഹാസ ഗായിക ആശാ ഭോസ്‌ലെ (92) അന്തരിച്ചു. ഹൃദയാഘാതത്തെ തുടർന്ന് മുംബൈയിലെ ബ്രീച്ച് കാൻഡി ആശുപത്രിയിൽ ചികിത്സയിലിരിക്കെയായിരുന്നു അന്ത്യം. ഗായികയുടെ മരണവാർത്ത മകൻ ആനന്ദ് ഭോസ്‌ലെ ഔദ്യോഗികമായി സ്ഥിരീകരിച്ചു.

​ഏഴ് പതിറ്റാണ്ടിലേറെ നീണ്ടുനിന്ന സംഗീത സപര്യയിലൂടെ ലോകമെമ്പാടുമുള്ള ദശലക്ഷക്കണക്കിന് ആരാധകരെ ആവേശം കൊള്ളിച്ച പ്രതിഭയായിരുന്നു ആശാ ഭോസ്‌ലെ. വിവിധ ഇന്ത്യൻ ഭാഷകളിലായി ആയിരക്കണക്കിന് ഗാനങ്ങൾ ആലപിച്ച് ഗിന്നസ് വേൾഡ് റെക്കോർഡിലും അവർ ഇടംപിടിച്ചിട്ടുണ്ട്.
​ഭൗതികശരീരം മുംബൈയിലെ ശിവാജി പാർക്കിൽ പൂർണ്ണ ഔദ്യോഗിക ബഹുമതികളോടെ സംസ്കരിച്ചു. പ്രിയ ഗായികയുടെ വിയോഗത്തിൽ കലാ-സാംസ്കാരിക-രാഷ്ട്രീയ രംഗത്തെ പ്രമുഖർ അനുശോചനം രേഖപ്പെടുത്തി.