പഞ്ചാബ് രാഷ്ട്രീയത്തിൽ വൻ അട്ടിമറികൾക്ക് സാധ്യതയേറി മുൻ മുഖ്യമന്ത്രി ക്യാപ്റ്റൻ അമരീന്ദർ സിംഗ് വീണ്ടും കോൺഗ്രസിലേക്ക് മടങ്ങിയെത്തുമെന്ന രാഷ്ട്രീയ അഭ്യൂഹങ്ങൾ ശക്തമാകുന്നു. 2027-ൽ നടക്കാനിരിക്കുന്ന പഞ്ചാബ് നിയമസഭാ തിരഞ്ഞെടുപ്പ് അടുത്തിരിക്കെ പുറത്തുവരുന്ന ഈ നീക്കം വലിയ ചർച്ചകൾക്കാണ് വഴിതുറന്നിരിക്കുന്നത്. മുതിർന്ന കോൺഗ്രസ് നേതാവും ഹരിയാന മുൻ മുഖ്യമന്ത്രിയുമായ ഭൂപീന്ദർ സിംഗ് ഹൂഡ നടത്തിയ നിർണ്ണായക പ്രസ്താവനയാണ് ഇപ്പോൾ ഈ രാഷ്ട്രീയ ചർച്ചകൾക്ക് പുതിയ ജീവൻ നൽകിയിരിക്കുന്നത്.

ക്യാപ്റ്റൻ അമരീന്ദർ സിംഗ് നിലവിൽ കോൺഗ്രസിന്റെ കേന്ദ്ര നേതൃത്വവുമായി നിരന്തരം സമ്പർക്കം പുലർത്തുന്നുണ്ടെന്നാണ് ഭൂപീന്ദർ സിംഗ് ഹൂഡ വെളിപ്പെടുത്തിയത്. കോൺഗ്രസ് വിട്ടതിന് ശേഷം സ്വന്തം പാർട്ടി രൂപീകരിക്കുകയും പിന്നീട് അത് ബി.ജെ.പിയിൽ ലയിപ്പിക്കുകയും ചെയ്ത അമരീന്ദർ സിംഗിന്റെ ഈ ഘർവാപ്പസി (മടങ്ങിവരവ്) നീക്കം ബി.ജെ.പി ക്യാമ്പുകളിലും വലിയ ആശങ്ക സൃഷ്ടിച്ചിട്ടുണ്ട്. വരും ദിവസങ്ങളിൽ പഞ്ചാബിലെയും ദേശീയ തലത്തിലെയും കോൺഗ്രസ് നേതൃത്വം ഇതിൽ ഔദ്യോഗിക പ്രതികരണം നടത്തിയേക്കുമെന്നാണ് വിവരം.

Photo Courtesy: Google/ images are subject to copyright