പ്രധാനമന്ത്രി നരേന്ദ്ര മോദിയുടെ ദ്വിദിന ഉസ്ബെക്കിസ്ഥാൻ സന്ദർശനം ഇരുരാജ്യങ്ങളും തമ്മിലുള്ള നയതന്ത്ര ബന്ധത്തിൽ പുതിയ നാഴികക്കല്ലായി. 11 സുപ്രധാന ധാരണാപത്രങ്ങളിലും കരാറുകളിലും ഒപ്പുവെച്ചതിനൊപ്പം അഞ്ച് സംയുക്ത പ്രഖ്യാപനങ്ങളും സന്ദർശനത്തിന്റെ ഭാഗമായി പുറത്തിറക്കി. ഓഗസ്റ്റ് 29-നാണ് പ്രധാനമന്ത്രി താഷ്‌കന്റിലെത്തിയത്.

സന്ദർശന വേളയിൽ ഉസ്ബെക്കിസ്ഥാന്റെ പരമോന്നത സിവിലിയൻ ബഹുമതിയായ ‘ഒലിയ് ദരാജാലി ദോസ്ത്ലിക്’ (Oliy Darajali Do’stlik) ഓർഡർ പ്രസിഡന്റ് ഷൗക്കത്ത് മിർസിയോയേഫ് പ്രധാനമന്ത്രി നരേന്ദ്ര മോദിക്ക് സമ്മാനിച്ചു. ഈ ആദരം ഇന്ത്യയുടെ നൂറ്റാണ്ടുകൾ പഴക്കമുള്ള പാരമ്പര്യത്തിനും ഇരുരാജ്യങ്ങളും തമ്മിലുള്ള ദൃഢമായ സൗഹൃദത്തിനുമായി സമർപ്പിക്കുന്നതായി പ്രധാനമന്ത്രി വ്യക്തമാക്കി.

ഉസ്ബെക്ക് പ്രസിഡന്റുമായി നടത്തിയ ഉന്നതതല ചർച്ചകളിൽ വ്യാപാരം, പ്രതിരോധം, ഡിജിറ്റൽ സാങ്കേതികവിദ്യ, ഊർജ്ജം, വിദ്യാഭ്യാസം തുടങ്ങിയ മേഖലകളിൽ സഹകരണം ശക്തമാക്കാൻ തീരുമാനമായി. ഇരുരാജ്യങ്ങളും തമ്മിലുള്ള ബന്ധം ‘സമഗ്ര തന്ത്രപരമായ പങ്കാളിത്തം’ (Comprehensive Strategic Partnership) എന്ന തലത്തിലേക്ക് ഉയർത്തി. കൂടാതെ, 2030-ഓടെ ഉഭയകക്ഷി വ്യാപാരം 5 ബില്യൺ ഡോളറിലെത്തിക്കാനും ഇരുരാജ്യങ്ങളും ലക്ഷ്യമിടുന്നുണ്ട്.

Photo Courtesy: Google/ images are subject to copyright