തിരുവനന്തപുരം: വെള്ളാപ്പള്ളി നടേശന്റേത് വര്‍ഗീയതയുടെ സ്വരമാണെന്ന് സി.പി.എം പോളിറ്റ് ബ്യൂറോ അംഗം പിണറായി വിജയന്‍. കേരളത്തിലെ തൊഗാഡിയ ആകാന്‍ നോക്കുന്ന വെള്ളാപ്പള്ളി വര്‍ഗീയ വിഷം വമിപ്പിക്കുകയാണെന്നും പിണറായി പറഞ്ഞു.

മാന്‍ഹോളില്‍ കുടുങ്ങിയ തൊഴിലാളികളുടെ ജാതിയും മതവും നോക്കിയല്ല നൗഷാദ് രക്ഷിക്കാന്‍ ശ്രമിച്ചത്. എല്ലാവരും ആ ത്യാഗത്തെ വിലമതിക്കുന്നു വെന്നും അതിന്റെ പ്രഭ ഇല്ലാതാക്കാന്‍ ഒരു വര്‍ഗീയ ഭ്രാന്തിനും കഴിയില്ലെന്നും പിണറായി ഫേസ്ബുക്കില്‍ കുറിച്ചു.

മുസ്ലീമായതിനാലാണ് നൗഷാദിന്റെ കുടുംബത്തിന് സര്‍ക്കാര്‍  ധനസഹായം നല്‍കിയതെന്ന വെള്ളാപ്പള്ളിയുടെ പ്രസ്താവനക്കെതിരെ നിരവധി പേരാണ് രംഗത്തെത്തിയത്.

Photo courtesy : Google /images may be subject to copyright