ആനുകാലിക പ്രസക്തമായ ഒരു ചോദ്യമുണ്ട്. “വിജയം” എന്നത് എന്താണെന്നത്? സമ്പാദ്യത്തിന്റെ വലിപ്പത്തിലോ, മനസ്സിന്റെ സംതൃപ്തിയിലോ വിജയം നിർണ്ണയിക്കാനാകുമോ? സംതൃപ്തി എന്നത് അഭിലാഷങ്ങൾ ഉപേക്ഷിക്കുന്നതല്ല; നേടിയ നേട്ടങ്ങളിൽ അർഥം കണ്ടെത്തുകയും മുന്നോട്ടുള്ള യാത്രയിൽ മനസ്സമാധാനം നിലനിർത്തുകയും ചെയ്യുന്നതാണ്. ലക്ഷ്യങ്ങൾ ഉണ്ടായിരിക്കണം, പക്ഷേ ലക്ഷ്യത്തിലെത്തുംവരെ ജീവിതം മാറ്റിവയ്ക്കരുത്. കാരണം, സന്തോഷം ഒരു ലക്ഷ്യസ്ഥാനമല്ല; അത് യാത്രയുടെ അനുഭവമാണ്. സാമ്പത്തിക സ്വാതന്ത്ര്യത്തോടൊപ്പം നല്ല ആരോഗ്യം, അർഥവത്തായ ബന്ധങ്ങൾ, സമൂഹത്തോടുള്ള ഉത്തരവാദിത്തം, ആത്മാഭിമാനം, സമാധാനം എന്നിവയും വിജയത്തിന്റെ ഭാഗമായി കാണേണ്ട സമയമാണിത്. സമ്പത്ത് ജീവിതം സൗകര്യപ്രദമാക്കാം; എന്നാൽ സംതൃപ്തിയാണ് ജീവിതത്തെ അർഥവത്താക്കുന്നത്.
മൂന്ന് പതിറ്റാണ്ടിലേറെയായി സാമ്പത്തിക രംഗത്തെ ദീർഘദർശിയായ നേതാവും സംരംഭകനും വിശ്വസ്ത ഉപദേഷ്ടാവുമായ ജെയിംസ് മാത്യുവിന്റെ വിശേഷങ്ങളാണ് ഇത്തവണത്തെ കവർസ്റ്റോറിയിൽ.
മണപ്പുറം ഫിനാൻസ് എം ഡി ആൻഡ് സി ഇ ഒ വി പി നന്ദകുമാർ തന്റെ സ്ഥിരം പംക്തിയിൽ “കേരളത്തിന്റെ ജലാശയങ്ങൾ: സുസ്ഥിര വികസനത്തിന്റെ ജീവധാര” എന്ന വിഷയത്തെക്കുറിച്ച് വിശകലനം ചെയ്യുന്നു. കൂടാതെ പതിവ് പംക്തികളും വായനക്കാർക്കായി ഒരുക്കിയിരിക്കുന്നു.
എല്ലാ വായനക്കാർക്കും നല്ലൊരു വായനാനുഭവം ആശംസിക്കുന്നു!

Thank you

Sd/-

Ajit Ravi