വിവാഹസമയം വധുവിന് വീട്ടുകാർ നൽകുന്ന സമ്പത്തിൽ ഭർത്താവിന് അധികാരമില്ല; സുപ്രധാന വിധിയുമായി സുപ്രീം കോടതി
വിവാഹസമയം വധുവിന് വീട്ടുകാര് നല്കുന്ന സ്ത്രീധനത്തില് ഭര്ത്താവിന് അധികാരമോ അവകാശമോ ഇല്ലെന്ന് സുപ്രീം കോടതി. ഏതെങ്കിലും പ്രതിസന്ധി സമയത്ത് ഭാര്യയുടെ സ്വത്ത് ഉപയോഗിക്കുന്ന പക്ഷം അത് തിരിച്ചു നല്കാന് ഭര്ത്താവ് ബാധ്യസ്ഥനാണെന്നും കോടതി നിരീക്ഷിച്ചു.
തന്റെ സ്ത്രീധനം ദുരുപയോഗം ചെയ്തെന്ന ആലപ്പുഴ സ്വദേശിനിയുടെ ഹർജ്ജിയിലാണ് സുപ്രീം കോടതിയുടെ സുപ്രധാന നീരീക്ഷണം. ജസ്റ്റിസുമാരായ സഞ്ജീവ് ഖന്ന, ദിപാങ്കര് ദത്ത എന്നിവരുടെ ബെഞ്ചാണ് കേസില് വിധി പറഞ്ഞത്. വിവാഹ സമയത്ത് വീട്ടുകാര് സമ്മാനമായി 89 പവന് സ്വര്ണ്ണം നല്കിയിരുന്നു. എന്നാൽ ഇത് ഭര്ത്താവും ഭര്തൃവീട്ടുകാരും ചേര്ന്ന് ദുരുപയോഗം ചെയ്തുവെന്ന് ചൂണ്ടിക്കാട്ടിയാണ് യുവതി കോടതിയില് ഹർജ്ജി നല്കിയത്. വിവാഹത്തിനു മുമ്പോ വിവാഹസമയത്തോ അതിന് ശേഷമോ പെണ്വീട്ടുകാര് നല്കുന്ന എല്ലാ വസ്തുവകകളുടെയും പൂര്ണ്ണമായ അവകാശം വധുവിന് മാത്രമാണ്. അതിൽ അവകാശം ഉന്നയിക്കാനോ നിയന്ത്രിക്കാനോ ഭര്ത്താവിന് അവകാശമില്ലെന്നും കോടതി നിരീക്ഷിച്ചു.
Photo Courtesy: Google/ images are subject to copyright