എല്ലാ കോൺഗ്രസ് എംപിമാരുമായും സിപിഎം, സിപിഐ നേതാക്കളുമായും കൂടിക്കാഴ്ച്ച നടത്തി, വെളിപ്പെടുത്തലുമായി ജാവദേക്കർ
എല്ഡിഎഫ് കണ്വീനര് ഇപി ജയരാജന്റെ ബിജെപി പ്രവേശന വിവാദത്തില് ഗുരുതര വെളിപ്പെടുത്തലുമായി കേരളത്തിന്റെ ചുമതലയുളള ബിജെപി നേതാവ് പ്രകാശ് ജാവദേക്കര്. ഇപി ജയരാജനുമായി മാത്രമല്ല കേരളത്തിൽ നിന്നുളള എല്ലാ കോൺഗ്രസ് എംപിമാരുമായും ചര്ച്ച നടത്തിയിരുന്നതായി ജാവദേക്കര് വെളിപ്പെടുത്തി. കേരളത്തിൽ സിപിഎമ്മിന് ഒരു എംപിമാത്രമേയുളളു. ബാക്കിയുളളവരുമായും ചർച്ച നടത്തിയിരുന്നതായി ജാവദേക്കര് തുറന്നടിച്ചു. കോൺഗ്രസ് മാത്രമല്ല സിപിഎം, സിപിഐ നേതാക്കളുമായും കൂടിക്കാഴ്ച്ച നടത്തിയിരുന്നു. ഇ പി ജയരാജനുമായുളള കൂടിക്കാഴ്ചയുമായി ബന്ധപ്പെട്ട് കൂടുതൽ പ്രതികരണത്തിനില്ലെന്നും അദ്ദേഹം വ്യക്തമാക്കി.
Photo Courtesy: Google/ images are subject to copyright