സെന്കുമാറിനെ പുനര്നിയമിക്കുമെന്ന് മുഖ്യമന്ത്രി
തിരുവനന്തപുരം: ടി.പി സെന്കുമാറിനെ സംസ്ഥാന പോലീസ് മേധാവിയായി നിയമിക്കണമെന്ന സുപ്രീംകോടതി വിധി പാലിക്കാന് സര്ക്കാര് പ്രതിജ്ഞാബദ്ധമാണെന്ന് മുഖ്യമന്ത്രി പിണറായി വിജയന്. ഇക്കാര്യത്തില് സുപ്രീം കോടതി വിധി അന്തിമമാണെന്നും വിധി നടപ്പാക്കാന് ചീഫ് സെക്രട്ടറി നടപടി തുടങ്ങിയെന്നും മുഖ്യമന്ത്രി പറഞ്ഞു. സുപ്രീംകോടതിയുടെ പരിഗണനയിലുള്ള വിഷയമായതിനാല് ചര്ച്ച ചെയ്യുന്നതിന് പരിമിതിയുണ്ടെന്നും അദ്ദേഹം വ്യക്തമാക്കി. സെന്കുമാറിന്റെ നിയമനം സംബന്ധിച്ച് ചര്ച്ച ചെയ്യണമെന്ന് ആവശ്യപ്പെട്ട് പ്രതിപക്ഷം കൊണ്ടുവന്ന അടിയന്തര പ്രമേയത്തിന് മറുപടി നല്കുകയായിരുന്നു മുഖ്യമന്ത്രി. സെന്കുമാറിനെ ചട്ടവിരുദ്ധമായി പോലീസ് മേധാവിയായി നിയമിച്ചത് മുന് യു.ഡി.എഫ് സര്ക്കാരാണെന്നും കഴിഞ്ഞ സര്ക്കാരിന്റെ കാലത്ത് നടക്കാന് പാടില്ലാത്ത ചില കാര്യങ്ങള് പോലീസ് സേനയിലുണ്ടായെന്നും മുഖ്യമന്ത്രി കുറ്റപ്പെടുത്തി. അതേസമയം സുപ്രീംകോടതി വിധി നടപ്പിലാക്കുന്നതില് സര്ക്കാര് പൂര്ണമായും പരാജയപ്പെട്ടെന്നും സെന്കുമാറിന്റെ നിയമനം സര്ക്കാര് വൈകിപ്പിക്കുകയാണെന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞു.
Photo Courtesy : Google/ Images may be subjected to copyright