ത​ട​വി​ലാ​യി​രി​ക്കേ ആ​ശു​പ​ത്രി​യി​ൽ അ​ന്ത​രി​ച്ച മ​നു​ഷ്യാ​വ​കാ​ശ പ്ര​വ​ർ​ത്ത​ക​നും അ​ധ​സ്ഥി​ത​രു​ടെ അ​വ​കാ​ശ​ങ്ങ​ൾ​ക്കു​വേണ്ടി ജീ​വി​ച്ച ഈ​ശോ സ​ഭാ വൈ​ദി​ക​ൻ ഫാ. ​സ്റ്റാ​ൻ സ്വാ​മി​യു​ടെ (84) മൃ​ത​ദേ​ഹം പോ​സ്റ്റു​മോ​ർ​ട്ട​ത്തി​നു​ശേ​ഷം സ​ഭാ അ​ധി​കാ​രി​ക​ൾ​ക്കു വി​ട്ടു​കൊ​ടു​ക്കും. സം​സ്കാ​രം ഇ​ന്ന് ഉ​ച്ച​ക​ഴി​ഞ്ഞ് 3.45ന് ​കോ​വി​ഡ് നി​യ​ന്ത്ര​ണ​ങ്ങ​ൾ പാ​ലി​ച്ച് മും​ബൈ​യി​ലെ ബാ​ന്ദ്ര സെ​ന്‍റ് പീ​റ്റേ​ഴ്സ് ഇ​ട​വ​ക​യി​ൽ ന​ട​ക്കും. യു​എ​പി​എ ചു​മ​ത്തി ന​വി​മും​ബൈ​യി​ലെ ത​ലോ​ജ സെ​ൻ​ട്ര​ൽ ജ​യി​ലി​ലി​ലാ​യി​രു​ന്ന ഫാ. ​സ്റ്റാ​ൻ സ്വാ​മി​ക്കു പാ​ർ​ക്കി​ൻ​സ​ണ്‍​സ് രോ​ഗം ഉ​ൾ​പ്പ​ടെ​യു​ള്ള ആ​രോ​ഗ്യ പ്ര​ശ്ന​ങ്ങ​ളു​ണ്ടാ​യി​ട്ടും എ​ൻ​ഐ​എ കോ​ട​തി ജാ​മ്യം നി​ഷേ​ധി​ച്ചി​രു​ന്നു. ഒ​ടു​വി​ൽ മേ​യ് 28ന് ​ബോം​ബെ ഹൈ​ക്കോ​ട​തി ഇ​ട​പെ​ട​ലി​നെ തു​ട​ർ​ന്നാ​ണ് ബാ​ന്ദ്ര​യി​ലെ ആ​ശു​പ​ത്രി​യി​ലേ​ക്ക് മാ​റ്റി​യ​ത്. മും​ബൈ​യി​ലെ ഹോ​ളി ഫാ​മി​ലി ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യ​വെ തി​ങ്ക​ളാ​ഴ്ച ഉ​ച്ച​യ്ക്കു ഒ​ന്ന​ര​യോ​ടെ ഹൃ​ദ​യാ​ഘാ​ത​ത്തെ തു​ട​ർ​ന്നാ​ണ് ഫാ. ​സ്റ്റാ​ൻ സ്വാ​മി​യു​ടെ അ​ന്ത്യം. ആ​ദി​വാ​സി​ക​ളു​ടെ അ​വ​കാ​ശ സം​ര​ക്ഷ​ണ​ത്തി​നാ​യി ജീ​വി​തം മാ​റ്റി​വ​ച്ച ഫാ. ​സ്റ്റാ​ൻ സ്വാ​മി​യെ മാ​വോ​വാ​ദി ബ​ന്ധം ആ​രോ​പി​ച്ച് ക​ഴി​ഞ്ഞ ഒ​ക്ടോ​ബ​റി​ലാ​ണ് റാ​ഞ്ചി​യി​ൽ നി​ന്നും ദേ​ശീ​യ അ​ന്വേ​ഷ​ണ ഏ​ജ​ൻ​സി (എ​ൻ​ഐ​എ) അ​റ​സ്റ്റു ചെ​യ്ത​ത്.