കോണ്ഗ്രസ് റോഡ് ഉപരോധത്തില് ഉണ്ടായ അക്രമത്തില് കൊച്ചി മുന് മേയര് ടോണി ചമ്മിണിയുടെ അറസ്റ്റ് ഇന്നുണ്ടാകുമെന്നു പോലീസ്.
കോണ്ഗ്രസ് റോഡ് ഉപരോധത്തില് ഉണ്ടായ അക്രമത്തില് കൊച്ചി മുന് മേയര് ടോണി ചമ്മിണിയുടെ അറസ്റ്റ് ഇന്നുണ്ടാകുമെന്നു പോലീസ്. നടന് ജോജു ജോര്ജ്ജിനെ അക്രമിച്ചെന്നു കാട്ടി ജാമ്യമില്ലാ വകുപ്പുകള് ചുമത്തിയാണ് ടോണിക്കെതിരെയും പ്രവര്ത്തകര്ക്കെതിരെയും പോലീസ് എഫ് ഐ ആര് രജിസ്റ്റര് ചെയ്തത് .
റോഡ് ഉപരോധത്തിനിടെ നടന് ജോജു ജോര്ജ്ജിനെ ഷര്ട്ടില് കുത്തിപ്പിടിച്ച് അസഭ്യം പറഞ്ഞുവെന്നും അക്രമത്തിനു നേതൃത്വം കൊടുത്തത് കൊച്ചി മുന് മേയര് ടോണി ചമ്മിണിയാണെന്നുമാണ് മരട് പോലീസ് രജിസ്റ്റര് ചെയ്ത എഫ്ഐആറില് പറയുന്നത് . കാറിന്റെ ചില്ല് തകര്ത്തത് കണ്ടാല് അറിയാവുന്ന കോണ്ഗ്രസ് പ്രവര്ത്തകന് ആണെന്ന് ജോജു മൊഴി നല്കിയിരുന്നു. ആറു ലക്ഷം രൂപയുടെ നഷ്ട്മാണ് കാറിന് ഉണ്ടായതെന്നും എഫ്ഐആറില് പറയുന്നു . ജാമ്യമില്ലാ വകുപ്പ് പ്രകാരം പോലീസ് കേസ് രജിസ്റ്റര് ചെയ്തതിനാല് ടോണി ചമ്മിണിയുടെ അറസ്റ്റ് ഉടന് ഉണ്ടാകും . തനിക്കെതിരെ കള്ളക്കേസ് ആണ് രജിസ്റ്റര് ചെയ്തതെന്നും നിയമനടപടികളുമായി മുമ്പോട്ട് പോകുമെന്ന് ടോണി ചമ്മിണി പറഞ്ഞു. അതേസമയം കൊച്ചിയിലെ യൂത്ത് കോണ്ഗ്രസ് സമരത്തിന് നേരെ പ്രതിഷേധിച്ച് പ്രവര്ത്തകരോട് തട്ടിക്കയറിയ നടന് ജോജു ജോര്ജ്ജിനെതിരെ പൊലീസ് കേസെടുത്തില്ല. ജോജു ജോര്ജ്ജിനെതിരെ കോണ്ഗ്രസ് വനിതാ പ്രവര്ത്തക നല്കിയ പരാതിയില് ദൃശ്യങ്ങള് ഉള്പ്പെടെ പരിശോധിച്ച് തുടര്നടപടികള് ഉണ്ടാകുമെന്നു മരട് പോലീസ് വ്യക്തമാക്കി.
Photo Courtesy : Google/ images are subject to copyright
കോവിഡ് മഹാമാരിയുടെ രണ്ടാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona