പോത്തന്കോട് സുധീഷ് വധക്കേസിലെ മുഖ്യപ്രതി ഒട്ടകം രാജേഷ് പിടിയില്.
പോത്തന്കോട് സുധീഷ് വധക്കേസിലെ മുഖ്യപ്രതി ഒട്ടകം രാജേഷ് പിടിയില്. കൊലപാതകത്തിന് ശേഷം തമിഴ്നാട്ടിലേക്ക് ഒളിച്ചു കടന്ന ഇയാള് തിരിച്ചു വരുന്നതിനിടെയാണ് പോലീസ് പിടിയിലായത്. കൊലപാതകം ഉള്പ്പടെ നിരവധി കേസുകളില് ഇയാള് പ്രതിയാണെന്നും അന്വേഷണ സംഘം അറിയിച്ചു. പോത്തന്കോട് സുധീഷ് വധക്കേസിലെ പ്രധാന പ്രതികളായ ഉണ്ണി, ശ്യാം എന്നിവരെ പിടികൂടിയ സംഭവസ്ഥലത്ത് എത്തിച്ച് തെളിവെടുപ്പ് നടത്തിയിരുന്നു. വെട്ടിയെടുത്ത കാല് എറിഞ്ഞ കല്ലൂര് ജങ്ഷനിലും ആയുധങ്ങള് ഒളിപ്പിച്ച ചിറയിന്കീഴ് ശാസ്തവട്ടം അയ്യപ്പ ക്ഷേത്രത്തിന് സമീപത്തെ കളിസ്ഥലത്തും കൊണ്ട് പോയി തെളിവെടുപ്പ് നടത്തി. സുധീഷിനെ ആക്രമിച്ച് കാല് വെട്ടിയെടുത്ത കേസില് ഉണ്ണിയാണ് ഒന്നാം പ്രതി. ഇയാളാണ് വെട്ടിയ കാലുമായി ബൈക്കിലെത്തി വലിച്ചെറിഞ്ഞത്. പോത്തന്കോട് എസ്എച്ച്ഒ കെ. ശ്യാം, എസ്ഐ വിനോദ് വിക്രമാദിത്യന് എന്നിവരുടെ നേതൃത്വത്തിലുള്ള പോലീസ് സംഘമാണ് തെളിവെടുപ്പ് നടത്തിയത്.
Photo Courtesy : Google/ images are subject to copyright
കോവിഡ് മഹാമാരിയുടെ രണ്ടാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona