നിമിഷ പ്രിയയുടെ മോചനത്തിന് നയതന്ത്ര ഇടപെടല് ആവശ്യപ്പെട്ടുള്ള ഹർജ്ജി ഡല്ഹി ഹൈക്കോടതി ഇന്ന് പരിഗണിക്കും
യെമനില് വധശിക്ഷ കാത്തുകഴിയുന്ന മലയാളി യുവതി നിമിഷ പ്രിയയുടെ മോചനത്തിന് നയതന്ത്ര ഇടപെടല് ആവശ്യപ്പെട്ടുള്ള ഹർജ്ജി ഡല്ഹി ഹൈക്കോടതി ഇന്ന് പരിഗണിക്കും. സേവ് നിമിഷ പ്രിയ ഇന്റര്നാഷണല് ആക്ഷന് കൗണ്സില് സമര്പ്പിച്ച ഹർജ്ജി കോടതി ഇന്ന് പരിഗണിക്കുക. വിഷയത്തില് കേന്ദ്ര സര്ക്കാര് ഇന്ന് നിലപാടറിയിക്കണമെന്ന് കോടതി നിര്ദ്ദേശിച്ചിരുന്നു. 2017 ജൂലൈയിലാണ് കേസിന് ആസ്പദമായ സംഭവം നടന്നത്. തലാല് അബ്ദുമഹ്ദിയെന്ന യെമന് പൗരനെ പാലക്കാട് കൊല്ലങ്കോട് സ്വദേശി നിമിഷ പ്രിയയും കൂട്ടുകാരിയും ചേര്ന്നു കൊലപ്പെടുത്തി മൃതദേഹം വീടിന് മുകളിലെ ജലസംഭരണിയില് ഒളിപ്പിച്ചു എന്നതാണ് കേസ്. കഴിഞ്ഞ തിങ്കളാഴ്ചയാണ് കേസില് നിമിഷ പ്രിയയുടെ വധശിക്ഷ സനായിലെ അപ്പീല് കോടതി ശരിവെച്ചത്. വിചാരണക്കോടതി വിധിക്കെതിരെ ഇന്ത്യന് എംബസിയുടെ സഹായത്തോടെയാണ് അപ്പീല് കോടതിയെ സമീപിച്ചത്. കേസിലെ വാദം കഴിഞ്ഞ ജനുവരിയില് പൂര്ത്തിയായിരുന്നു. സ്ത്രീയെന്ന പരിഗണന നല്കി കുറ്റവിമുക്തയാക്കുകയോ വധശിക്ഷയില് നിന്ന് ഒഴിവാക്കുകയോ വേണമെന്നായിരുന്നു നിമിഷ പ്രിയയുടെ ആവശ്യം.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona