മലയാലപ്പുഴ മന്ത്രവാദ കേസില് പ്രതികള്ക്ക് ജാമ്യം
പ്രതികളായ ശോഭനയ്ക്കും ഉണ്ണി കൃഷ്ണനും ഉപാധികളോടെയാണ് പത്തനംതിട്ട ജുഡീഷ്യസ് ഫസ്റ്റ് ക്ലാസ് മജിസ്ട്രേറ്റ് കോടതി ജാമ്യം അനുവദിച്ചത്. ഏത് സമയവും അന്വേഷണ ഉദ്യോഗസ്ഥന് മുമ്പില് ഹാജരാകണമെന്നും കോടതി നിര്ദ്ദേശിച്ചു. മന്ത്രവാദ കേന്ദ്രത്തിലേക്ക് പ്രവേശിക്കാനും പാടില്ല. എന്നാല് പ്രതികളുടെ ജാമ്യാപേക്ഷയെ പോലീസ് കോടതിയില് എതിര്ത്തില്ല. സംഭവത്തില് കൂടുതല് പരാതികള് കിട്ടുകയാണെങ്കില് വിശദമായി അന്വേഷിക്കും എന്നാണ് പോലീസ് വിശദീകരണം. നിലവില് ഒരു പരാതി മാത്രമാണ് അന്വേഷണ സംഘത്തിന് മുന്നിലുള്ളത്. വാസന്തീ മഠം എന്ന പേരില് പ്രവര്ത്തിക്കുന്ന കേന്ദ്രത്തില് നാല് മാസം മുമ്പ് മന്ത്രവാദ കേന്ദ്രത്തില് ഒരു കുട്ടിയെ ഉപയോഗിച്ച് പൂജകള് നടത്തിയ ദൃശ്യങ്ങള് സമൂഹമാധ്യമങ്ങളില് പ്രചരിച്ചതോടെ വിവിധ യുവജന സംഘടനകള് ഇവിടേക്ക് പ്രതിഷേധ മാര്ച്ച് നടത്തിയിരുന്നു. ഇതിനിടെ തുടര്ന്നാണ് ശോഭനയെയും ഉണ്ണികൃഷ്ണനെയും പോലീസ് കസ്റ്റഡിയിലെടുത്ത് പോലീസ് സ്റ്റേഷനിലേക്ക് മാറ്റിയത്. ചതി, വിശ്വാസവഞ്ചന തുടങ്ങിയ വകുപ്പുകള് ചുമത്തിയാണ് ഇരുവര്ക്കുമെതിരെ കേസെടുത്തത്.
Photo Courtesy : Google/ images are subject to copyright
കോവിഡ് മഹാമാരിയുടെ നാലാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona