ഓപ്പറേഷന് ലോട്ടസ് കേസില് തുഷാര് വെള്ളാപ്പള്ളിക്ക് ലുക്ക്ഔട്ട് നോട്ടീസ്
ചോദ്യംചെയ്യലിന് ഹാജരാകാത്തതിന് പിന്നാലെയാണ് ലുക്ക് ഔട്ട് നോട്ടീസ് പുറപ്പെടുവിച്ചത്. തെലങ്കാനയില് സര്ക്കാരിനെ അട്ടിമറിക്കാനുള്ള ‘ഓപ്പറേഷന് ലോട്ടസ്’ പദ്ധതിക്ക് പിന്നില് പ്രധാനമായി പ്രവര്ത്തിച്ചത് തുഷാറാണെന്നാണ് മുഖ്യമന്ത്രി കെ. ചന്ദ്രശേഖര റാവു ആരോപിച്ചിരുന്നു.
ടി ആര് എസ് എം എല് എ മാരെ സ്വാധീനിക്കാന് 100 കോടി രൂപ വാഗ്ദാനം ചെയ്തത് അമിത് ഷായുടെ നോമിനിയായ തുഷാറാണെന്നായിരുന്നു ആരോപണം. ജഗ്ഗു സ്വാമിക്കെതിരെയും ലുക്ക്ഔട്ട് നോട്ടീസ് പുറപ്പെടുവിച്ചു. ഇതിനിടെ ചോദ്യംചെയ്യലിന് ഹാജരാകാന് ബിജെപി ദേശീയ ജനറല് സെക്രട്ടറി ബി.എല് സന്തോഷ് കൂടുതല് സമയം തേടി. മൊബൈല് ഫോണ് അടക്കം ഹാജരാക്കണമെന്നും സഹകരിച്ചില്ലെങ്കില് അറസ്റ്റ് ചെയ്യുമെന്നും ബിഎല് സന്തോഷിന് അയച്ച നോട്ടീസില് പോലീസ് വ്യക്തമാക്കിയിരുന്നു.
Photo Courtesy : Google/ images are subject to copyright