വിഴിഞ്ഞത്ത് ക്രമസമാധാനം ഉറപ്പാക്കാന് ഡി.ഐ.ജി ആര് നിശാന്തിനിയുടെ നേതൃത്വത്തില് പ്രത്യേക സംഘം
സംഘര്ഷങ്ങളുടെ പശ്ചാത്തലത്തില് വിഴിഞ്ഞത്ത് ക്രമസമാധാനം ഉറപ്പാക്കാന് പ്രത്യേക സംഘം. തിരുവനന്തപുരം റേഞ്ച് ഡിഐജി ആര് നിശാന്തിനിയുടെ നേതൃത്വത്തിലുള്ള സംഘത്തെയാണ് നിയോഗിച്ചത്. അഞ്ച് എസ്പിമാരും സംഘത്തിലുണ്ട്. സംഘര്ഷം നിയന്ത്രിക്കലും കേസുകളുടെ മേല്നോട്ടവുമാണ് സംഘത്തിന്റെ ചുമതലകള്. മുഖ്യമന്ത്രിയുടെ നേതൃത്വത്തില് ഇന്നലെ ഡിജിപി, ക്രമസമാധാന ചുമതലയുള്ള എഡിജിപി, ഇന്റലിജന്സ് മേധാവി എന്നിവര് യോഗം ചേര്ന്നിരുന്നു. ഈ യോഗത്തിന്റെ തീരുമാന പ്രകാരമാണ് വിഴിഞ്ഞത്തിന് മാത്രമായി പ്രത്യേക പൊലിസ് സംഘത്തെ നിയോഗിച്ചിട്ടുള്ളത്. എട്ടു ഡിവൈഎസ്പിമാരും, സിഐ അടക്കമുള്ള പൊലിസ് ഉദ്യോഗസ്ഥരും സംഘത്തിലുണ്ടാകും. ആള്ക്കൂട്ടം നിയന്ത്രിച്ച് പരിചയമുള്ള ക്രൈംബ്രാഞ്ച്, ലോ ആന്റ് ഓര്ഡര് വിഭാഗങ്ങളില് നിന്നുള്ള ഉദ്യോഗസ്ഥരെയാണ് സംഘത്തിലേക്ക് നിയോഗിക്കുക. ക്യാമ്ബുകളില് നിന്നുള്ള പൊലിസുകാരെയും സംഘത്തില് ഉള്പ്പെടുത്തും.
Photo Courtesy : Google/ images are subject to copyright