ഇസ്രയേൽ ലബനനിൽ നടത്തിയ ആക്രമണത്തിൽ റോയിട്ടേഴ്‌സ് മാധ്യമപ്രവർത്തകൻ കൊല്ലപ്പെട്ടു
തെക്കന്‍ ലബനനിലേക്ക് ഇസ്രയേല്‍ വെള്ളിയാഴ്ച നടത്തിയ മിസൈല്‍ ആക്രമണത്തില്‍ റോയിട്ടേഴ്‌സ് മാധ്യമപ്രവര്‍ത്തകന് ദാരുണാന്ത്യം. ആക്രമണത്തില്‍ ആറ് മാധ്യമപ്രവര്‍ത്തകര്‍ക്ക് പരിക്കേറ്റു. റോയിട്ടേഴ്‌സ് വീഡിയോഗ്രാഫര്‍ ഇസ്സാം അബദല്ല ആണ് കൊല്ലപ്പെട്ടത്. ഇസ്രയേല്‍ അതിര്‍ത്തിയോട് ചേര്‍ന്നുള്ള അല്‍മ അല്‍ ഷാബിലേക്കാണ് മിസൈല്‍ ആക്രമണമുണ്ടായത്. റോയിട്ടേഴ്‌സിന്റെ രണ്ട് മാധ്യമപ്രവര്‍ത്തരായ തയിര്‍ അല്‍ സുദാനി, മഹെര്‍ നസെ, അല്‍ ജസീറ, ഏന്‍സ് ഫ്രാന്‍സ്- പ്രെസ്സി എന്നിവയുടെ നാല് ജീവനക്കാര്‍ക്കാണ് പരിക്കേറ്റത്. അല്‍മ അല്‍ ഷാബി ഇസ്രയേലി സൈന്യവും ലെബനീസ് വിമതവിഭാഗമായ ഹിസ്ബുള്ളയും തമ്മില്‍ അതിര്‍ത്തി സംഘര്‍ഷം രൂക്ഷമാണ്. ലബനനില്‍ നിന്ന് ഇസ്രയേല്‍ ലക്ഷ്യമാക്കി മിസൈല്‍ ആക്രമണം നടന്നതോടെയാണ് ഹിസ്ബുള്ളയുടെ കേന്ദ്രങ്ങള്‍ ലക്ഷ്യമാക്കി ഇസ്രയേല്‍ തിരിച്ചടിച്ചത്.
Photo Courtesy : Google/ images are subject to copyright
