തെരഞ്ഞെടുപ്പ് പെരുമാറ്റച്ചട്ടം ലംഘനം; മന്ത്രി പി.എ.മുഹമ്മദ് റിയാസിന് നോട്ടീസ്
തെരഞ്ഞെടുപ്പ് പെരുമാറ്റച്ചട്ടം ലംഘിച്ചെന്ന പരാതിയില് പൊതുമരാമത്ത് മന്ത്രി പി.എ.മുഹമ്മദ് റിയാസിന് കോഴിക്കോട് കലക്ടര് നോട്ടിസ് നല്കി. ഒരാഴ്ചയ്ക്കകം മന്ത്രി മറുപടി നല്കണം. കോഴിക്കോട്ട് കായികമേഖലയുമായി ബന്ധപ്പെട്ട് നടന്ന ചര്ച്ചാപരിപാടിയില് നടത്തിയ പ്രഖ്യാപനമാണ് മന്ത്രിക്ക് വിനയായത്. കോഴിക്കോട് സ്റ്റേഡിയം രാജ്യാന്തര നിലവാരത്തിലേക്കുയര്ത്താന് തീരുമാനിച്ചെന്നാണ് മന്ത്രി പറഞ്ഞത്. പെരുമാറ്റച്ചട്ടം നിലനില്ക്കേ ഇത്തരമൊരു പ്രഖ്യാപനം നടത്തിയത്. നിയമവിരുദ്ധമാണമെന്നാരോപിച്ച് കോണ്ഗ്രസ് തിരഞ്ഞെടുപ്പ് കമ്മിഷന് പരാതി നല്കി.ഇതിന്റെ അടിസ്ഥാനത്തിലാണ് നോട്ടിസ്. മന്ത്രി പെരുമാറ്റച്ചട്ടം ലംഘിച്ചെന്നാണ് കലക്ടറുടെ പ്രാഥമിക പ്രാഥമിക നിരീക്ഷണം. എന്നാല് താന് പെരുമാറ്റച്ചട്ടം ലംഘിച്ചിട്ടില്ലെന്ന് മുഹമ്മദ് റിയാസ് പ്രതികരിച്ചു. കോഴിക്കോട്ട് പറഞ്ഞത് പഴയ പ്രഖ്യാപനമാണ്. സര്ക്കാര് ചെയ്ത നല്ല കാര്യങ്ങള് ഇനിയും പറയുമെന്നും റിയാസ് നിലപാടെടുത്തു.
Photo Courtesy: Google/ images are subject to copyright