പത്തനംതിട്ട തുലാപ്പള്ളിയിൽ കാട്ടാന ആക്രമണത്തിൽ ഒരാൾ കൊല്ലപ്പെട്ടു
പത്തനംതിട്ട തുലാപ്പള്ളിയില് വീടിന് സമീപം ഇറങ്ങിയ കാട്ടാനയെ ഓടിക്കാനുള്ള ശ്രമത്തിനിടെ ആനയുടെ ആക്രമണത്തില് ഒരാള് മരിച്ചു. പമ്പാവാലി തുലാപ്പള്ളി വട്ടപ്പാറ പുളിയൻകുന്ന് മലയില് കുടിലിൽ ബിജു(52) ആണ് ആനയുടെ ആക്രമണത്തില് മരിച്ചത്. വീട്ടുമുറ്റത്ത് ആന കൃഷികൾ നശിപ്പിക്കുന്ന ശബ്ദം കേട്ട് ബിജു ആനയെ ഓടിക്കാന് ഇറങ്ങിയതായിരുന്നു. പിന്നീട് വീട്ടിൽ നിന്നും 50 മീറ്റര് അകലെയായി ബിജുവിനെ മരിച്ച നിലയിൽ കണ്ടെത്തുകയായിരുന്നു.വിവരമറിഞ്ഞ് പമ്പ പോലീസും കണമല വനം സ്റ്റേഷനിലെ ഉദ്യോഗസ്ഥരും സ്ഥലത്തെത്തിയെങ്കിലും നാട്ടുകാര് മൃതദേഹം സ്ഥലത്തു നിന്നും മാറ്റാന് പോലീസിനെ അനുവദിച്ചില്ല. കളക്ടര് അടക്കമുള്ള അധികൃതര് സ്ഥലത്തെത്തണമെന്നാണ് അവരുടെ ആവശ്യം. ബിജു ഓട്ടോഡ്രൈവറാണ്. ഡെയ്സിയാണ് ഭാര്യ . ജിന്സണ്, ബിജോ എന്നിവരാണ് മക്കൾ.
Photo Courtesy: Google/ images are subject to copyright