നടിയെ അക്രമിച്ച കേസില് വിചാരണ നിര്ത്തിവെക്കാന് ഹൈക്കോടതിയുടെ ഉത്തരവ്: മകളെ ഉപയോഗിച്ച് സ്വാധീനിക്കാന് ശ്രമിച്ചെന്ന മഞ്ജു വാര്യരുടെ മൊഴി വിചാരണക്കോടതി ഒഴിവാക്കി.
നടിയെ അക്രമിച്ച കേസില് വിചാരണ നിര്ത്തിവെക്കാന് ഹൈക്കോടതിയുടെ ഉത്തരവ്. വെള്ളിയാഴ്ച വരെ വിചാരണ നിര്ത്തിവെക്കാനാണ് ഉത്തരവ്. ജഡ്ജിക്കെതിരെ ഗുരുതര ആരോപണവുമായി സംസ്ഥാന സര്ക്കാര് നേരത്തെ രംഗത്തു വന്നതിന്റെ പശ്ചാത്തലത്തിലാണ് നിര്ദേശം.
കേസിന്റെ വിചാരണ നിലവിലെ കോടതിയില് നിന്ന് മാറ്റണമെന്നാവശ്യപ്പെട്ട് ഹൈക്കോടതിയില് സമര്പ്പിച്ച സത്യവാങ്മൂലത്തിലാണ് മൊഴി രേഖപ്പെടുത്തുന്നതില് വീഴ്ച പറ്റിയെന്നതടക്കമുള്ള ആരോപണങ്ങള് സര്ക്കാര് ഉന്നയിച്ചിരിക്കുന്നത്. ഇരയുടെ മൊഴി പോലും കോടതി കൃത്യമായി രേഖപ്പെടുത്തിയില്ലെന്ന് എഴുതിയ നല്കിയ പരാതിയില് സര്ക്കാര് പറയുന്നു.
കൂടാതെ മഞ്ജു വാര്യരുടേയും മൊഴി രേഖപ്പെടുത്തുന്നതില് വിചാരണക്കോടതിയ്ക്ക് വീഴ്ച പറ്റിയതായാണ് സംസ്ഥാന സര്ക്കാര് ഹൈക്കോടതിയെ അറിയിച്ചത്. മൊഴി നല്കാതിരിക്കാന് മഞ്ജുവിനെ ദിലീപ് സ്വാധീനിക്കാന് ശ്രമിച്ചു. മകള് വഴി സ്വാധീനിക്കാനാണ് ശ്രമിച്ചത്. ഇക്കാര്യം മഞ്ജു വാര്യര് വിസ്താരവേളയില് അറിയിച്ചെങ്കിലും രേഖപ്പെടുത്താന് കോടതി തയ്യാറായില്ലെന്ന് പ്രോസിക്യൂഷന് പറയുന്നു.
കേസിലെ എട്ടാം പ്രതിയായ അച്ഛനെതിരെ മൊഴി കൊടുക്കരുതെന്ന് മകള് ഫോണില് വിളിച്ച് ആവശ്യപ്പെട്ടുവെന്നാണ് മഞ്ജുവാര്യര് രഹസ്യമൊഴി നല്കിയത്. എന്നാല് താന് കേസില് സത്യം പറയാന് നിര്ബന്ധിതയാണെന്നും സത്യം മാത്രമേ പറയുകയുള്ളൂ എന്നുമാണ് മഞ്ജു വാര്യര് മകളോട് പറഞ്ഞത്.
കേസിനെ സ്വാധീനിക്കാനുളള പ്രതിയുടെ ശ്രമമെന്നറിഞ്ഞിട്ടും ഇടപെട്ടില്ലെന്നും സര്ക്കാര് ഹൈക്കോടതിയെ അറിയിച്ചു.
ആക്രമിക്കപ്പെട്ട നടിയുടെ മൊഴി രേഖപ്പെടുത്തുന്നതിലും കോടതിക്ക് പിഴവുപറ്റി. തന്നെ വകവരുത്തുമെന്ന് ദീലിപ് നടി ഭാമയോട് പറഞ്ഞതായി ആക്രമിക്കപ്പെട്ട നടി മൊഴി നല്കിയിരുന്നു. എന്നാല് ഇക്കാര്യവും രേഖപ്പെടുത്താന് കോടതി തയാറായില്ല. കേസ് ഇന്ന് വീണ്ടും ഹൈക്കോടതി പരിഗണിക്കാനിരിക്കെയായിരുന്നു സര്ക്കാര് വിചാരണക്കോടതിക്കെതിരെ വിമര്ശനങ്ങള് എഴുതി നല്കിയത്.
Photo Courtesy : Google/ images are subject to copyright