സ്ത്രീ സുരക്ഷ ഉറപ്പാക്കാന് ശക്തമായ നടപടി സ്വീകരിക്കുമെന്ന് മുഖ്യമന്ത്രി
തിരുവനന്തപുരം: സ്ത്രീ സുരക്ഷ ഉറപ്പാക്കാന് ശക്തമായ നടപടി സ്വീകരിക്കുമെന്ന് മുഖ്യമന്ത്രി പിണറായി വിജയന്. കൊച്ചുകുട്ടികളടക്കം ലൈംഗിക ആക്രമണത്തിനിരയാകുന്ന സംഭവങ്ങള് സര്ക്കാര് ഗൗരവത്തോടെയാണ് കാണുന്നതെന്നും മുഖ്യമന്ത്രി പറഞ്ഞു. കുഞ്ഞുങ്ങള്ക്കുനേരെ ലൈംഗിക ഉദ്ദേശ്യത്തോടെ നീളുന്ന കൈകള് കുറ്റവാളിയുടേതാണെന്നും അതിനെ ന്യായീകരിക്കുന്നവരും കുറ്റക്കാരാണെന്നും അദ്ദേഹം കൂട്ടിച്ചേര്ത്തു. വാളയാര് സഹോദരിമാരുടെ മരണത്തിന് ഉത്തരവാദികള് ആരായാലും രക്ഷപ്പെടില്ലെന്നും കുറ്റക്കാരെ നിയമത്തിന് മുന്നില് കൊണ്ടുവന്ന് കര്ശന ശിക്ഷ തന്നെ വാങ്ങിക്കൊടുക്കുമെന്നും പിണറായി ഫേസ്ബുക്കിലൂടെ വ്യക്തമാക്കി.
Photo Courtesy : Google / Images may be subjected to copyright