റഷ്യയ്ക്ക് കായികരംഗത്ത് നാലു വര്ഷത്തെ വിലക്ക്.
റഷ്യയ്ക്ക് കായികരംഗത്ത് നാലു വര്ഷത്തെ വിലക്ക്. അന്താരാഷ്ട്ര ഉത്തേജക വിരുദ്ധ ഏജന്സി (വാഡ)യാണ് റഷ്യയെ നാലു വര്ഷത്തേക്ക് കായിക രംഗത്ത് വിലക്കിയത്. ഈ വാര്ത്ത ലോകം ഞെട്ടലോടെയാണ് കേട്ടത്. കായികതാരങ്ങളുടെ ഉത്തേജക മരുന്ന് ഉപയോഗവുമായി ബന്ധപ്പെട്ട ലബോറട്ടറി ഫലങ്ങളില് കൃത്രിമം കാട്ടിയെന്ന് കാണിച്ചാണ് കായിക രംഗത്ത് റഷ്യയ്ക്ക് വിലക്കേർപ്പെടുത്തിയത്.
വിലക്ക് വന്നതോടെ അടുത്ത വര്ഷം ടോക്യോയില് നടക്കുന്ന ഒളിമ്പിക്സിലും 2022 ഖത്തര് ലോകകപ്പിലും 2022ലെ ബെയ്ജിങ് ശീതകാല ഒളിമ്പിക്സിലും റഷ്യയ്ക്ക് മത്സരിക്കാൻ സാധിക്കില്ല. ഉത്തേജകമരുന്നിനെ ഏതെങ്കിലും തരത്തില് പ്രോത്സാഹിപ്പിക്കുന്ന കായികസംഘടനകള്ക്കും രാജ്യങ്ങള്ക്കും ഇതില്പരമൊരു മുന്നറിയിപ്പില്ല. സെന്റ്പീറ്റേഴ്സ്ബര്ഗ് ആതിഥേയത്വം വഹിക്കുന്ന യൂറോ 2020 ഫുട്ബോളില് റഷ്യയ്ക്ക് മത്സരിക്കുന്നതിന് വിലക്ക് ബാധകമല്ല.
സ്വിറ്റ്സര്ലന്ഡിലെ ലൗസെയ്നില് വച്ച് നടന്ന വാഡയുടെ യോഗത്തിലാണ് റഷ്യയെ വിലക്കാന് തീരുമാനിച്ചത്. ഈ വര്ഷം അന്വേഷണോദ്യോഗസ്ഥര്ക്ക് സമര്പ്പിച്ച ആൻ്റി ഡോപിങ് ഏജന്സിയുടെ (റുസാഡ) റിപ്പോര്ട്ടില് റഷ്യ കൃത്രിമം കാട്ടി എന്നതാണ് ആരോപണം. വിലക്കിനെതിരേ ഇരുപത്തിയൊന്ന് ദിവസത്തിനുള്ളില് റഷ്യയ്ക്ക് അപ്പീല് നല്കാനല്ല അവസരമുണ്ട്.
Photo Courtesy : Google/ images are subject to copyright