സംസ്ഥാനത്ത് ഒരാൾ കൂടി കോവിഡ് ബാധിച്ച് മരിച്ചു: മുന് സന്തോഷ് ട്രോഫി താരം ഹംസക്കോയയാണ് മരിച്ചത്.
സംസ്ഥാനത്ത് ഒരാൾ കൂടി കോവിഡ് ബാധിച്ച് മരിച്ചു. മുന് സന്തോഷ് ട്രോഫി താരം ഹംസക്കോയയാണ് കോവിഡ് 19 ബാധിച്ച് മരിച്ചത്. മലപ്പുറം പരപ്പനങ്ങാടി സ്വദേശിയാണ്. മഞ്ചേരി മെഡിക്കല് കോളേജ് ആശുപത്രിയില് ചികിത്സയിലിരിക്കെയാണ് മരണം. ഇതോടെ സംസ്ഥാനത്ത് വൈറസ് ബാധിച്ച് മരിച്ചവരുടെ എണ്ണം 15 ആയി.
ഇദ്ദേഹത്തിന്റെ കുടുംബത്തിലെ മൂന്ന് മാസം പ്രായമുള്ള പേരക്കുട്ടിയടക്കം അഞ്ച് പേര്ക്കാണ് കോവിഡ് സ്ഥിരീകരിച്ചത്. 10 ദിവസം മുമ്പ് കുടുംബത്തോടൊപ്പം മഹാരാഷ്ട്രയില് നിന്ന് തിരിച്ചെത്തിയതാണ് ഹംസക്കോയ. ഭാര്യക്കും മകനുമാണ് ആദ്യം രോഗം സ്ഥിരീകരിച്ചത്.
മഹാരാഷ്ട്രയ്ക്കായി അഞ്ച് വര്ഷം ബൂട്ടണിഞ്ഞിട്ടുണ്ട് ഹംസക്കോയ. ന്യൂമോണിയ ബാധിതനായിരുന്ന ഹംസോക്കോയക്ക് പ്ലാസ്മ തെറാപ്പി നടത്തിയിരുന്നു. പ്ലാസ്മ തെറാപ്പി ചികിത്സ നല്കിയ ശേഷം കേരളത്തില് മരിക്കുന്ന ആദ്യ വ്യക്തിയാണ് ഇദ്ദേഹം.
ഹംസക്കോയയുടെ മരുമകള്ക്കും മൂന്ന് മാസവും മൂന്ന് വയസും പ്രായമുള്ള രണ്ടു ചെറുമക്കള്ക്കും കൊവിഡ് സ്ഥിരീകരിച്ചിട്ടുണ്ട്. ഇവരുടെ കാര്യത്തില് ആശങ്കയില്ലെന്ന് ആശുപത്രി അധികൃതര് അറിയിച്ചു.
കോവിഡില് നിന്ന് മുക്തരായ തിരൂര്, പയ്യനാട് സ്വദേശികളുടെ പ്ലാസ്മയാണ് ഹംസക്കോയയുടെ ചികിത്സക്കായി നല്കിയത്. നെഹ്റു ട്രോഫി ഇന്ത്യന് ടീം അംഗവുമായിരുന്നു. മോഹന് ബഗാന് മുഹമ്മദന്സ് ക്ലബ്ബുകള്ക്ക് വേണ്ടിയും ഹംസക്കോയ കളിച്ചിട്ടുണ്ട്. മകനും ഫുട്ബോള് താരമാണ്.
Photo Courtesy : Google/ images are subject to copyright