ബാബരി മസ്ദജിദ് തകര്ത്ത കേസ്: മുഴുവന് പ്രതികളെയും കുറ്റ വിമുക്തരാക്കി
ബാബരി മസ്ദജിദ് തകര്ത്ത കേസില് മുഴുവന് പ്രതികളെയും കുറ്റ വിമുക്തരാക്കി കോടതി വിധി. ബിജെപിയുടെ മുതിര്ന്ന നേതാക്കളായ എല് കെ അഡ്വാനി, മുരളി മനോഹര് ജോഷി, കല്യാണ് സിങ്, ഉമാഭാരതി എന്നിവരടക്കം 32 പേരെയാണ് കോടതി വെറുതെ വിട്ടത്. ബാബറി മസ്ജിദ് മുന്കൂട്ടി ആസൂത്രണം ചെയ്തു തകര്ത്തതല്ലെന്നും കുറ്റക്കാര്ക്കെതിരെ ശക്തമായ തെളിവില്ലെന്നും കോടതി അറിയിച്ചു. പ്രത്യേക സിബിഐ കോടതി ജഡ്ജി സുരേന്ദ്രകുമാര് യാദവാണ് വിധി പ്രസ്താവിച്ചത്.
പ്രധാന പ്രതികളായ അദ്വാനി, മുരളി മനോഹര് ജോഷി, ഉമാ ഭാരതി, കല്യാണ് സിങ് എന്നിവര് വീഡിയോ കോണ്ഫ്രന്സ് വഴിയാണ് ഹാജരായത്. മറ്റുള്ളവര് നേരിട്ട് കോടതിയിലെത്തി. പത്ത് മണിയോടെ വിധി പ്രസ്താവമുണ്ടാവുമെന്നാണ് നേരത്തെ അറിയിച്ചിരുന്നതെങ്കിലും വിധി വായിക്കുമ്പോള് പന്ത്രണ്ട് മണി കഴിഞ്ഞിരുന്നു.
കോടതിക്കു പുറത്ത് മാധ്യമങ്ങളെ നിയന്ത്രിച്ചിട്ടുണ്ടായിരുന്നു. കോടതിയുടെ പരിസരത്തും അയോധ്യയിലും സുരക്ഷ ശക്തമാക്കുകയും രാമജന്മഭൂമി പരിസരത്ത് കൂടുതല് പൊലീസിനെ വിന്യസിക്കുകയും ചെയ്തിട്ടുണ്ട്. 2 വര്ഷം കൊണ്ടു വിചാരണ പൂര്ത്തിയാക്കി വിധി പറയണമെന്ന് സുപ്രീം കോടതി 2017 ഏപ്രിലില് ഉത്തരവിട്ടിരുന്നു. പിന്നീട് ഈ വര്ഷം ഓഗസ്റ്റ് 31 വരെയും തുടര്ന്ന് സെപ്റ്റംബര് 30 വരെയും നീട്ടുകയായിരുന്നു. 1992 ഡിസംബര് ആറിനാണ് ബാബറി മസ്ജിദ് തകര്ക്കപ്പെടുന്നത്.
Photo Courtesy : Google/ images are subject to copyright