കേന്ദ്ര സര്ക്കാര് എന് 95 മാസ്കുകളുടെ കയറ്റുമതിക്ക് ഏര്പ്പെടുത്തിയിരുന്ന നിയന്ത്രണം പിൻവലിച്ചു.
കേന്ദ്ര സര്ക്കാര് എന് 95 മാസ്കുകളുടെ കയറ്റുമതിക്ക് ഏര്പ്പെടുത്തിയിരുന്ന നിയന്ത്രണം പിൻവലിച്ചു. കൊവിഡ് വ്യാപനത്തിൻ്റെ പശ്ചാത്തലത്തിലായിരുന്നു നേരത്തെ നിയന്ത്രണം ഏര്പ്പെടുത്തിയിരുന്നത്. ഡയറക്ടറേറ്റ് ജനറല് ഓഫ് ഫോറിന് ട്രേഡിൻ്റെതാണ് ഈ നടപടി.
ആഭ്യന്തര ലഭ്യത ഉറപ്പാക്കുന്നതിനായാണ് എന് 95 മാസ്കുകളുടെ കയറ്റുമതി നേരത്തെ കേന്ദ്രം പൂര്ണമായും തടഞ്ഞിരുന്നത്. എന്നാല് കഴിഞ്ഞ ഓഗസ്റ്റില് ഒരു മാസം 50 ലക്ഷം യൂണിറ്റുകളുടെ കയറ്റുമതിക്കായി അനുമതി നല്കിയിരുന്നു.
പിന്നീട് എന് 95 മാസ്കുകളുടെയും പിപിഇ കിറ്റുകളുടെയും നിര്മാണം രാജ്യത്ത് വന്തോതില് വര്ധിപ്പിച്ചു. ഇതോടെ കയറ്റുമതിക്ക് ഏര്പ്പെടുത്തിയ നിയന്ത്രണങ്ങള് നീക്കണമെന്ന് നിര്മാതാക്കള് കേന്ദ്ര സര്ക്കാരിനോട് അഭ്യര്ത്ഥിച്ചിരുന്നു. ഇതിന് പിന്നാലെയാണ് മാസ്കുകളുടെ കയറ്റുമതിക്ക് ഏര്പ്പെടുത്തിയിരുന്ന നിയന്ത്രണം കേന്ദ്ര സര്ക്കാര് നീക്കിയത്.
Photo Courtesy : Google/ images are subject to copyright