ഫാക്ടറികളിലും മറ്റ് നിര്മാണ സ്ഥാപനങ്ങളിലും മുഴുവന് ജീവനക്കാരെയും ജോലിക്കായി നിയമിക്കാമെന്ന് മുഖ്യമന്ത്രി
ഫാക്ടറികളിലും മറ്റ് നിര്മാണ സ്ഥാപനങ്ങളിലും മുഴുവന് ജീവനക്കാരെയും ജോലിക്കായി നിയമിക്കാമെന്ന് മുഖ്യമന്ത്രി. കൊവിഡ് സുരക്ഷാ മാനദണ്ഡങ്ങള് കര്ശനമായി പാലിക്കണം. ഫാക്ടറികളും മറ്റ് നിര്മാണ സ്ഥാപനങ്ങളും അടച്ചിടേണ്ടതില്ല. ജോലി ചെയ്യുന്നതില് നിന്ന് തൊഴിലാളികളെ വിലക്കാന് പാടില്ലെന്നും മുഖ്യമന്ത്രി അറിയിച്ചു.
കെട്ടിടം, റോഡ് നിര്മാണം, വൈദ്യുതീകരണ ജോലികള് എന്നിവയ്ക്ക് വളരെ അത്യാവശ്യമുള്ള ജീവനക്കാരെ മാത്രമേ നിയമിക്കാവൂ. കൊവിഡ് സുരക്ഷാ മാര്ഗനിര്ദ്ദേശങ്ങള് ഉറപ്പാക്കേണ്ട ഉത്തരാവാദിത്തം കോണ്ട്രാക്ടര്മാര്ക്കായിരിക്കും. സ്വകാര്യ ക്ലിനിക്കുകള്ക്കും ഡിസ്പെന്സറികള്ക്കും തുറന്നുപ്രവര്ത്തിക്കാം.
എന്നാല് ജീവനക്കാരും രോഗികളും സാമൂഹിക അകലം ഉള്പ്പടെയുള്ള സുരക്ഷാ പ്രോട്ടോക്കോള് കര്ശനമായും പാലിക്കണം. ഇത്തരം സ്ഥാപനങ്ങളുടെ കാത്തിരിപ്പുകേന്ദ്രത്തിലോ പുറത്തോ രോഗികള് കൂട്ടംകൂടി നില്ക്കാന് പാടുള്ളതല്ല. ഫിസിയോതെറാപ്പി കേന്ദ്രങ്ങള്, ഡെൻ്റല് ക്ലിനിക്കുകള്, ഹോമിയോ, ആയുര്വേദ ക്ലിനിക്കുകള് എന്നിവയ്ക്കും ഇത് ബാധകമാണ്.
Photo Courtesy : Google/ images are subject to copyright