പ്ലസ് വണ് പരീക്ഷ റദ്ദാക്കണമെന്ന പൊതുതാത്പര്യ ഹര്ജ്ജി ഇന്ന് സുപ്രിംകോടതി പരിഗണിക്കും.
പ്ലസ് വണ് പരീക്ഷ റദ്ദാക്കണമെന്ന പൊതുതാത്പര്യ ഹര്ജ്ജി ഇന്ന് സുപ്രിംകോടതി പരിഗണിക്കും. കേസില് കക്ഷിചേര്ക്കണമെന്നാവശ്യപ്പെട്ട് കേരളത്തില് നിന്നുള്ള 48 വിദ്യാര്ത്ഥികള് നല്കിയ അപേക്ഷയും കോടതി ഇന്ന് പരിഗണിക്കും. ജസ്റ്റിസ് എ.എം ഖാല്വില്ക്കര് അധ്യക്ഷനായ ബെഞ്ചാണ് ഹര്ജ്ജിയില് വാദം കേള്ക്കുക. തിരുവനന്തപുരം കീഴാറ്റിങ്ങല് സ്വദേശി റസൂല് ഷാന് സമര്പ്പിച്ച പൊതുതാല്പര്യഹര്ജ്ജിയാണ് പരിഗണിക്കുന്നത്. കോവിഡ് പ്രോട്ടോക്കോള് പാലിച്ച് പരീക്ഷ നടത്താന് അനുവദിക്കണമെന്ന സംസ്ഥാന സര്ക്കാറിന്റെ ആവശ്യം കോടതി പരിഗണിച്ചേക്കും. സംസ്ഥാനത്തെ കോവിഡ് സാഹചര്യം പരിഗണിച്ചാണ് പ്ലസ് വണ് എഴുത്ത് പരീക്ഷ നടത്തുന്നത് ഒരാഴ്ചത്തേക്ക് സുപ്രീം കോടതി സ്റ്റേ ചെയ്തത്.