സംസ്ഥാനത്ത് കോവിഡ് വ്യാപനം തദ്ദേശ സ്ഥാപനങ്ങളിലെ ജനപ്രതിനിധികളുടെ യോഗം ഇന്ന്.
സംസ്ഥാനത്ത് കോവിഡ് വ്യാപനം അനിയന്ത്രിതമായി തുടരുന്ന സാഹചര്യത്തില് മുഖ്യമന്ത്രി പിണറായി വിജയന് വിളിച്ചു ചേര്ത്ത , തദ്ദേശ സ്ഥാപനങ്ങളിലെ പ്രതിനിധികള് പങ്കെടുക്കുന്ന യോഗം ഇന്ന് നടക്കും. വൈകിട്ട് നാലിനാണ് യോഗം വിളിച്ചിരിക്കുന്നത് . കോവിഡ് പ്രതിരോധ പ്രവര്ത്തനങ്ങളുടെ വിശകലനമാണ് യോഗത്തില് പ്രധാന ചര്ച്ചയാകുക.
ആരോഗ്യ മന്ത്രി വീണ ജോര്ജ്ജ് , തദ്ദേശ സ്വയംഭരണ വകുപ്പ് മന്ത്രി എം വി ഗോവിന്ദന്, റവന്യു മന്ത്രി കെ രാജന് എന്നിവരും യോഗത്തില് പങ്കെടുക്കും. കോവിഡ് പ്രതിരോധ പ്രവര്ത്തനങ്ങളുടെ അടുത്ത ഘട്ടത്തില് ചെയ്യേണ്ട കാര്യങ്ങളും യോഗത്തില് ചര്ച്ചയാകും. സ്വീകരിക്കേണ്ട നടപടികളും സംസ്ഥാനത്തെ നിലവിലെ കോവിഡ് സാഹചര്യവും ആരോഗ്യമന്ത്രി വിശദീകരിക്കും. സംസ്ഥാനത്ത് പ്രതിദിന കോവിഡ് രോഗികളുടെ നിരക്ക് ഉയര്ന്നു തന്നെയാണ്. ടെസ്റ്റ് പോസിറ്റിവിറ്റി നിരക്ക് പതിനഞ്ചിന് മുകളില് തുടരുകയാണ്. ചികിത്സയിലിരിക്കുന്നവരുടെ എണ്ണം രണ്ട് ലക്ഷത്തി നാല്പതിനായിരം കടന്നു. മരണ സംഖ്യ 21,000 കടന്നു. ഈ സാഹചര്യത്തിലാണ് തദ്ദേശ സ്ഥാപനങ്ങളിലെ ജനപ്രതിനിധികളുടെ യോഗം വിളിച്ചിരിക്കുന്നത്.
Photo Courtesy : Google/ images are subject to copyright
കോവിഡ് മഹാമാരിയുടെ രണ്ടാംവരവിൽ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona