ആശ്രാമം ബിവറേജസ് കോര്പറേഷൻറെ സെല്ഫ് സര്വ്വീസ് പ്രീമിയം കൗണ്ടറില് നിന്ന് മദ്യം മോഷ്ടിച്ച യുവാവ് പൊലീസ് പിടിയിലായി.
ആശ്രാമം ബിവറേജസ് കോര്പറേഷൻറെ സെല്ഫ് സര്വ്വീസ് പ്രീമിയം കൗണ്ടറില് നിന്ന് മദ്യം മോഷ്ടിച്ച യുവാവ് പൊലീസ് പിടിയിലായി. വാളത്തുംഗല് സരയൂ നഗര് 190 മണക്കര വയലില്വീട്ടില് രോമാഞ്ചം ബിജു എന്ന ബിജു (32) ആണ് പിടിയിലായത്.
കഴിഞ്ഞ 23ന് രാത്രി 8.45 ന് ഷോപ്പിനുള്ളില് വന്ന യുവാവ് 910 രൂപ വിലവരുന്ന മദ്യക്കുപ്പി വസ്ത്രത്തില് ഒളിപ്പിച്ചു. തുടര്ന്ന് മദ്യം വാങ്ങാന് എത്തിയവരുമായി സൗഹൃദം പങ്കിട്ട് ജീവനക്കാരെ തെറ്റിദ്ധരിപ്പിച്ച് ഇയാള് കൗണ്ടറിലൂടെ പുറത്ത് കടന്നു. മോഷണ വിവരം മനസ്സിലാക്കിയ ജീവനക്കാര് കൊല്ലം ഈസ്റ്റ് പൊലീസ് സ്റ്റേഷനില് പരാതി നല്കി. സി.സി.ടി.വി ദൃശ്യങ്ങളില്നിന്ന് യുവാവിനെ തിരിച്ചറിഞ്ഞ പൊലീസ് ഇയാളെ കൊല്ലം പോളയത്തോട് നിന്ന് പിടികൂടി. മദ്യാസക്തിയെ തുടര്ന്നാണ് മോഷണം നടത്തിയതെന്ന് ഇയാള് പൊലീസിനോട് സമ്മതിച്ചു. ഇയാളെ കോടതിയില് ഹാജരാക്കി റിമാന്ഡ് ചെയ്തു.
Photo Courtesy : Google/ images are subject to copyright
കോവിഡ് മഹാമാരിയുടെ രണ്ടാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona