തീരുമാനം മാറ്റി കേന്ദ്രം; വസ്ത്രങ്ങളുടെയും ചെരിപ്പുകളുടെയും നികുതി കൂട്ടില്ല
വസ്ത്രങ്ങള്, ചെരിപ്പുകള് എന്നിവയുടെ നികുതി 5 ശതമാനത്തില് നിന്ന് 12 ശതമാനമായി വര്ദ്ധിപ്പിക്കാനുള്ള തീരുമാനം മാറ്റി. സംസ്ഥാനങ്ങളുടെയും വ്യവസായ മേഖലയുടെയും എതിര്പ്പിനെത്തുടര്ന്നാണ് ധനമന്ത്രി നിര്മ്മല സീതാരാമന്റെ അധ്യക്ഷതയില് ഇന്ന് ചേര്ന്ന ചരക്ക് സേവന നികുതി കൗണ്സില് യോഗം തീരുമാനിച്ചത്. ജിഎസ്ടി കൗണ്സിലിന്റെ 46-ാമത് യോഗമാണ് ദില്ലിയില് ചേര്ന്നത്. ധനമന്ത്രി നിര്മ്മല സീതാരാമന് സംസ്ഥാനങ്ങളിലെ ധനമന്ത്രിമാരുമായി നടത്തിയ പ്രീ-ബജറ്റ് കൂടിയാലോചനയിലാണ് വിഷയം ചര്ച്ചയായത്. അതേസമയം, ഗുജറാത്ത്, പശ്ചിമ ബംഗാള്, ദല്ഹി, രാജസ്ഥാന്, തമിഴ്നാട് തുടങ്ങിയ സംസ്ഥാനങ്ങളാണ് വിഷയം ഉന്നയിച്ചിരുന്നത്. ടെക്സ്റ്റൈല്സിന്റെ ജിഎസ്ടി നിരക്ക് ഉയര്ത്തുന്നത് 2022 ജനുവരി 1 മുതല് നിലവില് വരുന്നതിനെ അനുകൂലിക്കാന് സാധിക്കില്ലെന്ന് സംസ്ഥാനങ്ങള് അറിയിക്കുകയായിരുന്നു. ടെക്സ്റ്റൈല്സിന്റെ നികുതി വര്ദ്ധനയ്ക്കെതിരെ ദില്ലി സര്ക്കാര് പ്രതിഷേധിക്കുമെന്ന് ദില്ലി ഉപമുഖ്യമന്ത്രി മനീഷ് സിസോദിയ പറഞ്ഞു. സാധാരണക്കാരന്റെ ശബ്ദം അടിച്ചമര്ത്താന് കേന്ദ്ര സര്ക്കാറിനെ അനുവദിക്കില്ലെന്നും മന്ത്രി കൂട്ടിച്ചേര്ത്തു.
Photo Courtesy : Google/ images are subject to copyright
കോവിഡ് മഹാമാരിയുടെ രണ്ടാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona