പാചക വാതക സിലിണ്ടര് തൂക്കത്തില് ക്രമക്കേട്: ഇന്ത്യന് ഓയില് കോര്പറേഷന് ഒമ്പത് ലക്ഷം രൂപ പിഴ
ഗാര്ഹിക പാചകവാതക സിലിണ്ടറുകളുടെ തൂക്കത്തില് ക്രമക്കേട് കണ്ടെത്തിയതിന് ലീഗല് മെട്രോളജി വകുപ്പ് ഇന്ത്യന് ഓയില് കോര്പറേഷന് ചുമത്തിയത് ഒമ്പത് ലക്ഷം രൂപ പിഴ. 2017, 2020 വര്ഷങ്ങളില് നടന്ന പരിശോധനയിലാണ് പിഴ ഈടാക്കിയത്. 2017ല് 7.5 ലക്ഷവും 2020ല് 1.5 ലക്ഷം രൂപയുമാണ് പിഴ ഈടാക്കിയതെന്ന് കൊച്ചിയിലെ പ്രോപ്പര് ചാനല് സംഘടന പ്രസിഡന്റ് എം.കെ. ഹരിദാസിന് വിവരാവകാശ നിയമപ്രകാരം ലഭിച്ച മറുപടിയില് ലീഗല് മെട്രോളജി വകുപ്പ് വ്യക്തമാക്കുന്നു. പിഴ ഈടാക്കിയതല്ലാതെ മറ്റ് നിയമനടപടികളൊന്നും കൈക്കൊണ്ടിട്ടില്ല. ഗാര്ഹിക പാചകവാതകം വീടുകളില് വിതരണം ചെയ്യുമ്ബോള് ഏജന്സി വിതരണക്കാര് തൂക്കം നോക്കാനുള്ള ഹാന്ഡ് വെയിങ് മെഷീൻ കരുതണമെന്നും ഉപഭോക്താവ് ആവശ്യപ്പെട്ടാല് സിലിണ്ടറില് കാണിച്ച തൂക്കം ബോധ്യപ്പെടുത്തിക്കൊടുക്കണമെന്നും 2000ലെ ലിക്വിഫൈഡ് പെട്രോളിയം റെഗുലേഷന് ഓഫ് സപ്ലൈ ആന്ഡ് ഡിസ്ട്രിബ്യൂഷന് ഓര്ഡറില് വ്യക്തമാക്കിയിട്ടുണ്ടെങ്കിലും പലപ്പോഴും പ്രാവര്ത്തികമാകാറുമില്ല.
Photo Courtesy : Google/ images are subject to copyright
കോവിഡ് മഹാമാരിയുടെ രണ്ടാംവരവിൽ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona