ഗൂഗിള് മെയ് 11 മുതല് വോയിസ് കോള് റെക്കോര്ഡിംഗ് ആപ്ലിക്കേഷനുകള് പ്ലേസ്റ്റോറില് നിരോധിക്കും.
മൂന്നാം കക്ഷി വോയിസ് കോള് റെക്കോര്ഡിംഗ് ആപ്ലിക്കേഷനുകള് വാഗ്ദാനം ചെയ്യുന്ന എല്ലാ ഡെവലപ്പര്മാരെയും പ്ലേ സ്റ്റോറില് നിന്നും നീക്കം ചെയ്യുമെന്ന് ഗൂഗിള് ഇതിനകം തന്നെ അറിയിച്ചുകഴിഞ്ഞു. ഒരു ബില്റ്റ്-ഇന് കോള് റെക്കോര്ഡര് ഇല്ലാത്ത ആന്ഡ്രോയ്ഡ് സ്മാര്ട്ട്ഫോണ് ഉപയോക്താക്കള്ക്ക് മെയ് 11 മുതല് ഇനി കോളുകള് റെക്കോര്ഡ് ചെയ്യാന് കഴിയില്ല. ഗൂഗിള് പ്ലേ സ്റ്റോറിന്റെ നയത്തിലെ പുതിയ മാറ്റങ്ങള് പ്രകാരം കോള് റെക്കോഡിംഗ് ആപ്പുകളെ ഗൂഗിള് ഇനി പ്രോത്സാഹിപ്പിക്കില്ലെന്നാണ് വിവരം. ഇത് വോയിസ് കോളിംഗിനെ മാത്രമേ ബാധിക്കൂ. അതേസമയം ഗൂഗിള്, സാംസങ്ങ്, ഷവോമി പോലുള്ള ഒട്ടുമിക്ക കമ്പനികളും സ്മാര്ട്ട്ഫോണുകളില് ഇന്-ബില്റ്റ് കോള് റെക്കോര്ഡറുമായാണ് എത്തുന്നത്. മുന്കൂട്ടി സ്മാര്ട്ട്ഫോണില് ലഭ്യമാകുന്ന ഡിഫോള്ട്ട് കോളിംഗ് ആപ്പ് വഴിയാണ് സ്മാര്ട്ട്ഫോണ് കോളുകള് റെക്കോര്ഡ് ചെയ്യുന്നതെങ്കില്, അത് അതിന്റെ നയത്തിന്റെ ലംഘനമല്ലെന്ന് ഗൂഗിള് പറയുന്നുണ്ട്.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാം വരവിൽ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചതും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona