ഒമിക്രോണിന്റെ പുതിയ വകഭേദമായ ബി.എ 12 ബിഹാറില് കണ്ടെത്തി
ഒമിക്രോണിന്റെ പുതിയ വകഭേദമായ ബി.എ 12 ബിഹാറില് കണ്ടെത്തിയതായി ഇന്ദിര ഗാന്ധി ഇന്സ്റ്റിറ്റ്യൂട്ട് ഓഫ് മെഡിക്കല് സയന്സ്. മൂന്നാം തരംഗത്തില് കണ്ടെത്തിയ ബി.എ 2വിനേക്കാള് 10 മടങ്ങ് അപകടകാരിയായാണ് ബി.എ 12 വിലയിരുത്തപ്പെടുന്നത്. വര്ധിച്ചു വരുന്ന കോവിഡ് കേസുകള് കണക്കിലെടുത്താണ് ഒമിക്രോണ് വകഭേദങ്ങളുടെ ജീനോം സീക്വന്സിങ് ആരംഭിച്ചതെന്ന് ഐ.ജി.ഐ.എം.എസിന്റെ മൈക്രോബയോളജി വിഭാഗം മേധാവി ഡോ. നമ്രത കുമാരി വ്യക്തമാക്കി. പരിശോധിച്ച 13 സാമ്പിളുകളില് ഒന്ന് ബി.എ 12 ആണെന്ന് കണ്ടെത്തിയതായും അവര് പറഞ്ഞു. ബി.എ 12 അപകടകാരിയായ വൈറസ് ആയതിനാല് മുന്കരുതല് സ്വീകരിക്കാന് അധികൃതരോട് ആവശ്യപ്പെട്ടിട്ടുണ്ടെന്ന് ഡോ. നമ്രത കുമാരി അറിയിച്ചു. അമേരിക്കയിലാണ് ഒമിക്രോണ് വകഭേദമായ ബി.എ 12 ആദ്യം കണ്ടെത്തിയത്. പിന്നീട് മൂന്ന് കേസുകള് ഡല്ഹിയിലും സ്ഥിരീകരിച്ചിരുന്നു.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona