മായം കണ്ടെത്താന് ഭക്ഷ്യ സുരക്ഷാ വകുപ്പിന്റെ ‘നല്ല ഭക്ഷണം നാടിന്റെ അവകാശം’ ക്യാമ്പയിന്. മീനിലെ മായം കണ്ടെത്താനായി ‘ഓപ്പറേഷന് മത്സ്യ’
സംസ്ഥാനത്ത് ഭക്ഷ്യ വസ്തുക്കളിലെ മായം കണ്ടെത്താന് ഭക്ഷ്യ സുരക്ഷാ വകുപ്പ് ‘നല്ല ഭക്ഷണം നാടിന്റെ അവകാശം’ എന്ന പേരില് പുതിയൊരു ക്യാമ്പയിന് ആരംഭിക്കുന്നതായി ആരോഗ്യ വകുപ്പ് മന്ത്രി വീണാ ജോര്ജ്ജ് . ഇതിന്റെ ഭാഗമായി മീനിലെ മായം കണ്ടെത്താനായി ‘ഓപ്പറേഷന് മത്സ്യ’ ആവിഷ്ക്കരിച്ചു.
സുരക്ഷിതമായ ഭക്ഷണം ഉറപ്പ് വരുത്തുകയാണ് ഈ ക്യാമ്പയിന്റെ ലക്ഷ്യം. ഭക്ഷ്യ വസ്തുക്കളിലെ മായം കണ്ടെത്താന് എല്ലാ ജില്ലകളിലും റെയ്ഡുകള് ശക്തമാക്കി പരിശോധനകള് ഉറപ്പാക്കും. ക്യാമ്പയിന്റെ ഭാഗമായി പൊതുജനങ്ങള്ക്ക് അവബോധം നല്കുന്നതാണ്. അവര്ക്ക് തന്നെ മായം കണ്ടെത്താന് കഴിയുന്ന ബോധവത്ക്കരണം നല്കുമെന്നും മന്ത്രി വ്യക്തമാക്കി. എല്ലാ ജില്ലകളിലും മൊബൈല് ഭക്ഷ്യ പരിശോധനാ ലാബുള്ള ആദ്യ സംസ്ഥാനമാണ് കേരളം. അതിനാല് തന്നെ മായം ചേര്ത്തിട്ടുണ്ടോയെന്ന് എല്ലാ ജില്ലകളിലും വേഗത്തില് മനസിലാക്കാന് സാധിക്കും. കൂടുതല് പരിശോധനകള് ആവശ്യമാണെങ്കില് ഭക്ഷ്യ സുരക്ഷാ വകുപ്പിന്റെ ലബോറട്ടറികളില് അയയ്ക്കുന്നതാണ്. ഭക്ഷ്യ വസ്തുക്കളില് മായം ചേര്ക്കുന്നവര്ക്കെതിരെ കര്ശ്ശന നടപടികൾ സ്വീകരിക്കും. മാര്ക്കറ്റുകളിലും കടകളിലും പരിശോധന ശക്തമാക്കും.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona