ബസ് ജീവനക്കാരും മകനും തമ്മിലുണ്ടായ തര്ക്കം കണ്ടു പിതാവു കുഴഞ്ഞുവീണു മരിച്ചു
കാറിന്റെ കണ്ണാടിയില് മുട്ടിയതിന്റെ പേരില് ബസ് ജീവനക്കാരും മകനും തമ്മിലുണ്ടായ തര്ക്കം കണ്ടു പിതാവു കുഴഞ്ഞുവീണു മരിച്ചു.ഫോര്ട്ട്കൊച്ചി ചുള്ളിക്കല് കരിവേലിപ്പടി കിഴക്കേപറമ്ബില് ഫസലുദ്ദീനാണു (54) മരിച്ചത്. ബസ് ജീവനക്കാരന് മകനെ കുത്താന് കത്തി വീശുന്നത് കണ്ട ഫസലുദ്ദീന് കുഴഞ്ഞ് വീഴുകയായിരുന്നു. ഇന്നലെ രാത്രി 7.45നു പറവൂര് കണ്ണന്കുളങ്ങര ഭാഗത്ത് വച്ചാണ് സംഭവം. വണ്ടികള് സൈഡ് കൊടുക്കുന്നതു സംബന്ധിച്ചാണ് ഇരുകൂട്ടരും തമ്മില് തര്ക്കമുണ്ടായതെന്നു പൊലീസ് പറഞ്ഞു. ഫസലുദ്ദീനും മകനും സഞ്ചരിച്ച കാറില് അമിത വേഗത്തിലെത്തിയ ബസ് തട്ടുകയായികുന്നു. ഫസലുദ്ദീന്റെ മകന് ഫര്ഹാനാണ് (20) കാര് ഓടിച്ചത്. അമിത വേഗത്തിലായിരുന്ന കോഴിക്കോട് വൈറ്റില റൂട്ടിലോടുന്ന ‘നര്മദ’ ബസ് ഓവര്ടേക്ക് ചെയ്തപ്പോള് കാറിന്റെ കണ്ണാടിയില് മുട്ടിയെന്നാണു ഫര്ഹാന്റെ മൊഴി. തുടര്ന്നു ഫര്ഹാന് ബസിനു മുന്പില് കാര് കൊണ്ടുവന്നിട്ടു ബസ് തടഞ്ഞു ചോദ്യം ചെയ്തു. തര്ക്കമുണ്ടായപ്പോള് ബസ് ജീവനക്കാരന് കത്തിയെടുത്തു. കുത്താന് പോയപ്പോള് തടഞ്ഞ ഫര്ഹാന്റെ കൈ മുറിഞ്ഞു. ഇതു കണ്ടാണു കാറിലുണ്ടായിരുന്ന ഫസലുദ്ദീന് കുഴഞ്ഞുവീണത് .
Photo Courtesy : Google/ images are subject to copyright
കോവിഡ് മഹാമാരിയുടെ നാലാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona