ചികിത്സാ പിഴവിനെ തുടര്ന്ന് രോഗി മരിച്ചെന്ന പരാതിയില് വിശദമായ അന്വേഷണം നടത്തുമെന്ന് ആരോഗ്യ മന്ത്രി വീണാ ജോര്ജ്
കോഴിക്കോട് മെഡിക്കല് കോളേജില് ചികിത്സാ പിഴവിനെ തുടര്ന്ന് രോഗി മരിച്ചെന്ന പരാതിയില് വിശദമായ അന്വേഷണം നടത്തുമെന്ന് ആരോഗ്യ മന്ത്രി വീണാ ജോര്ജ്. ഇതു സംബന്ധിച്ച് അന്വേഷണം നടത്താന് മെഡിക്കല് വിദ്യാഭ്യാസ വകുപ്പ് ഡയറക്ടര്ക്ക് മന്ത്രി നിര്ദേശം നല്കി. മരിച്ച സിന്ധുവില് നിന്ന് ശേഖരിച്ച സാമ്പിളുകള് കെമിക്കല് പരിശോധനയ്ക്ക് അയച്ചിട്ടുണ്ട്. മരുന്ന് മാറി കുത്തിവച്ചതാണ് മരണ കാരണമെന്ന് കഴിഞ്ഞ ദിവസം ബന്ധുക്കള് ആരോപിച്ചിരുന്നു. എന്നാല് കോഴിക്കോട് മെഡിക്കല് കോളേജ് നല്കിയ പ്രാഥമിക റിപ്പോര്ട്ടില് മരുന്ന് മാറിയിട്ടില്ലെന്നാണ് അറിയിച്ചിട്ടുള്ളതെന്നും മന്ത്രി വ്യക്തമാക്കി. മെഡിക്കല് കോളേജ് ആശുപത്രിയില് വച്ച് മരിച്ച കൂടരഞ്ഞി സ്വദേശി സിന്ധുവിന്റെ പോസ്റ്റ്മോര്ട്ടം ഇന്നലെ പൂര്ത്തിയായിരുന്നു. മരുന്നിന്റെ പാര്ശ്വഫലമാകാം സിന്ധുവിന്റെ മരണത്തിലേക്ക് നയിച്ചതെന്നാണ് പോസ്റ്റ്മോര്ട്ടം റിപ്പോര്ട്ടിലെ സൂചന. ഇക്കാര്യത്തിലടക്കം വ്യക്തത ലഭിക്കുന്നതിന് വേണ്ടി ആന്തരികാവയവങ്ങള് രാസപരിശോധനക്കായി അയച്ചിരിക്കുകയാണ്.
Photo Courtesy : Google/ images are subject to copyright
കോവിഡ് മഹാമാരിയുടെ നാലാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona