പത്തനംതിട്ടയില് കുട്ടികളെ ഉപയോഗിച്ച് മന്ത്രവാദം, നടപടി സ്വീകരിക്കാതെ പോലീസ്
പത്തനംതിട്ട ജില്ലയില് വീണ്ടും കുട്ടികളെ ഉപയോഗിച്ച് മന്ത്രവാദം. മലയാലപ്പുഴയിലാണ് പ്രായപൂര്ത്തിയാകാത്ത കുട്ടികളെ ഉപയോഗിച്ച് മന്ത്രവാദം നടത്തുന്നത്. പരാതി ലഭിച്ചിട്ടും മലയാലപ്പുഴ പൊലീസ് നടപടി സ്വീകരിച്ചില്ലെന്നും ആക്ഷേപമുണ്ട്. ഇന്ന് രാവിലെ നാട്ടുകാര് മന്ത്രവാദിനിയുടെ വീട് ഉപരോധിച്ചു. തുടര്ന്ന് വിവിധ യുവജന സംഘടനകളും ഉപരോധം തുടരുകയാണ് . മന്ത്രവാദിനിയെ അറസ്റ്റ് ചെയ്യാതെ ഉപരോധത്തില് നിന്നും പിന്മാറില്ലെന്ന് നാട്ടുകാര്. ഈ കേന്ദ്രത്തില് വര്ഷങ്ങളായി കുട്ടികളെ ഉപയോഗിച്ച് പൂജ ചെയ്യുന്നു എന്ന് ആക്ഷേപമുണ്ട്. ഇവരെ എതിര്ക്കുന്ന നാട്ടുകാരെയൊക്കെ ഭീഷണിപ്പെടുത്തുകയും വീടിനുമുന്പില് പൂവ് ഇടുകയും ചെയ്യുകയാണ്. കൂടാതെ 41ാം ദിവസം മരിച്ചുപോകുമെന്ന് പറഞ്ഞ് ഭീഷണിപ്പെടുത്തിയെന്നും നാട്ടുകാര് പറഞ്ഞു. മാത്രമല്ല നാട്ടുകാരെ ഭീഷണിപ്പെടുത്താന് ഗുണ്ടകളെ ഉപയോഗിക്കുകയും ചെയ്യുന്നു. സംഭവത്തില് പോലീസില് പരാതി നല്കിയിട്ടും അന്വേഷണത്തിന് വരുമ്പോള് ഉദ്യോഗസ്ഥരെ അസഭ്യം പറയുകയാണെന്ന് നാട്ടുകാര് പറഞ്ഞു.
മലയാലപ്പുഴ സംഭവം സര്ക്കാര് കാണുന്നത് അതീവ ഗൗരവത്തോടെയെന്ന് മന്ത്രി വീണാ ജോര്ജ്
പത്തനംതിട്ട മലയാലപ്പുഴയില് കുട്ടിയെ ഉപയോഗിച്ച് മന്ത്രവാദം നടത്തിയ സംഭവം അതീവ ഗൗരവത്തോടെയാണ് സര്ക്കാര് കാണുന്നതെന്ന് ആരോഗ്യ വകുപ്പ് മന്ത്രി വീണാ ജോര്ജ്. കുട്ടികളെ ഇത്തരം പ്രവൃത്തികള്ക്ക് ഉപയോഗിക്കുന്നവര്ക്കെതിരെ അതിശക്തമായ നടപടി സ്വീകരിക്കും. സമൂഹം ഒറ്റക്കെട്ടായി ഇത്തരം പ്രവണതകള്ക്കെതിരെ രംഗത്തുവരണം. ഇത്തരം സംഭവങ്ങള്ക്കെതിരെ പൊതുബോധം ശക്തിപ്പെടണമെന്നും മന്ത്രി പറഞ്ഞു.
Photo Courtesy : Google/ images are subject to copyright
കോവിഡ് മഹാമാരിയുടെ നാലാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona