ചാള്സ് ശോഭ്രാജിനെ ജയിലില് നിന്ന് മോചിപ്പിക്കും-നേപ്പാള് സുപ്രീം കോടതി
കുപ്രസിദ്ധ കുറ്റവാളി ചാൾസ് ശോഭ്രാജിനെ ജയിലിൽ നിന്ന് മോചിപ്പിക്കാൻ നേപ്പാൾ സുപ്രീം കോടതി ഉത്തരവിട്ടു. പ്രായാധിക്യം മൂലമുള്ള പ്രശ്നങ്ങൾ അലട്ടുന്നുവെന്ന കാര്യം പരിഗണിച്ചാണ് 21 വർഷത്തെ തടവിന് വിധിക്കപ്പെട്ട ശോഭ്രാജിനെ കോടതി മോചിപ്പിക്കുന്നത്. മോചനം ലഭിച്ച് 15 ദിവസത്തിനുള്ളിൽ ശോഭ്രാജ് രാജ്യം വിടണമെന്ന് കോടതി അറിയിച്ചു.
1975-ൽ രണ്ട് അമേരിക്കൻ പൗരനെയും കാമുകിയെയും കാഠ്മണ്ഡുവിൽ വച്ച് കൊലപ്പെടുത്തിയെന്ന കേസിലാണ് ശോഭ്രാജ് നിലവിൽ ശിക്ഷ അനുഭവിക്കുന്നത്. ദക്ഷിണേഷ്യയിലെ പല രാജ്യങ്ങളിലുമായി ഇരുപതോളം വിനോദ സഞ്ചാരികളെ ശോഭ്രാജ് കൊലപ്പെടുത്തിയിട്ടുണ്ടെന്നാണ് സൂചന. 1976 മുതൽ 1997 വരെ ഇന്ത്യയിൽ ജയിൽ ശിക്ഷ അനുഭവിച്ച ശോഭ്രാജിനെ 2003-ലാണ് നേപ്പാൾ പോലീസ് അറസ്റ്റ് ചെയ്യുന്നത്.
Photo Courtesy : Google/ images are subject to copyright