പത്ത് ദിവസത്തെ ഉത്സവത്തിനായി ശബരിമല നട നാളെ വൈകിട്ട് 5ന് തുറക്കും. തിങ്കളാഴ്ച രാവിലെ 9.45 നും 10.45നും മധ്യേ തന്ത്രി കണ്ഠര് രാജീവരുടെ കാര്‍മികത്വത്തിലാണ് കൊടിയേറ്റം. 28 മുതല്‍ ഏപ്രില്‍ 4 വരെ എല്ലാ ദിവസവും ഉത്സവബലി, ശ്രീഭൂതബലി എന്നിവ ഉണ്ടാകും. 31 മുതല്‍ ഏപ്രില്‍ 4 വരെ രാത്രി ശ്രീഭൂതബലിക്ക് ശേഷം വിളക്ക് ഏഴുന്നള്ളിപ്പും നടക്കും. ഏപ്രില്‍ 4ന് രാത്രിയിലാണ് പള്ളിവേട്ട നടക്കുക. ഉത്സവത്തിനു സമാപനം കുറിച്ച് ഏപ്രില്‍ 5 ന് 11.30 ന് പമ്പയില്‍ ആറാട്ട് നടക്കും. ഉച്ചകഴിഞ്ഞു 3 വരെ പമ്പയില്‍ ദര്‍ശനത്തിന് അവസരം ഉണ്ട്.3.30 ന് സന്നിധാനത്തേക്ക് തിരിച്ചെഎഴുന്നള്ളത് പുറപ്പെടും. ഘോഷയാത്ര പതിനെട്ടാംപടി കയറി ഉത്സവത്തിനു സമാപനം കുറിച്ച് കൊടിയിറക്കും.

Photo Courtesy : Google/ images are subject to copyright