സംവിധായകന് അല്ഫോണ്സ് പുത്രന്റെ വീട്ടുമുറ്റത്തുനിന്നും പെരുമ്പാമ്പിന്റെ കുഞ്ഞുങ്ങളെ പിടികൂടി
സംവിധായകന് അല്ഫോണ്സ് പുത്രന്റെ കൊച്ചിയിലെ വീട്ടുമുറ്റത്തു നിന്നും 16 പെരുമ്പാമ്പിന്റെ കുഞ്ഞുങ്ങളെ പിടികൂടി. വീടിനു മുന്നിലൂടെ പോയ ഓട്ടോ ഡ്രൈവറാണ് റോഡില് പാമ്പിന് കുഞ്ഞുങ്ങളെ കണ്ടത്. പിന്നാലെ ഇവ ഗേറ്റിലേക്കും മുറ്റത്തേക്കും സമീപത്തുള്ള കോവല് വള്ളിയിലേക്കും കയറി.
പാമ്പു പിടിത്ത വിദഗ്ധന് ഷൈന് സ്ഥലത്തെത്തി. നാട്ടുകാരുടെ സഹായത്തോടെ ഇവയെ ചാക്കിലാക്കി വനം വകുപ്പിന് കൈമാറുകയായിരുന്നു. അല്ഫോണ്സിന്റെ വീടിനരികിലുള്ള ജല അതോറിറ്റി ഉപേക്ഷിച്ച രണ്ട് പൈപ്പുകള്ക്കുള്ളിലും പാമ്പിന് കുഞ്ഞുങ്ങളെ കണ്ടെത്തി. മുട്ടകളും ഉണ്ട്. പൈപ്പിന്റെ ഒരു വശം മണ്ണു മൂടിയിരുന്നു. മറുഭാഗം നാട്ടുകാരില് ചിലര് ചില്ലുവച്ച് അടച്ചു സുരക്ഷിതമാക്കി.
Photo Courtesy : Google/ images are subject to copyright